Ուկրաինայում գնդակոծության ժամանակ մահացել է Ռադայի նախկին պատգամավոր Դավիթ Ժվանիան
Ռադայի նախկին պատգամավոր Դավիթ Ժվանիան մահացել է Զապորոժիեի շրջանի ռուսական անցակետի մոտ գտնվող «գորշ գոտում» հրետանային գնդակոծության ժամանակ, Telegram-ում հայտնել է ՆԳՆ ղեկավարի խորհրդական Անտոն Գերաշչենկոն։ Հայտնում է Newsgeorgia-ն։
Ուկրաինական ԶԼՄ-ները հայտնում են, որ Ժվանիան ռուսական քաղաքացիություն է ունեցել, նրան անվանում են «Ռոսատոմ»-ի ոչ պաշտոնական ներկայացուցիչ։
«Այս պատմության մեջ ավելի շատ հարցեր կան, քան պատասխաններ: Հատկապես այն, ինչ նա արեց «գորշ գոտու» մոտ»,- գրել է Գերաշչենկոն։ Նա Ժվանիայի մահվան մասին գրառում է հրապարակել «դավաճան» հեշթեգով։
Դավիթ Ժվանիան եղել է Ուկրաինայի Գերագույն Ռադայի IV-VII գումարումների պատգամավոր, Պետականաշինության և տեղական ինքնակառավարման կոմիտեի ղեկավար (2012-2014 թթ.)։ 2005 թվականի փետրվարից սեպտեմբեր – Յուլիա Տիմոշենկոյի կառավարությունում Ուկրաինայի արտակարգ իրավիճակների նախարար:
Ծագումով Թբիլիսիից է ծնված 1967 թվականին։ Վրաստանի այն ժամանակվա հայտնի ընտանիքից։ Հայրը՝ ֆիզիկոս-փիլիսոփա, դասավանդել է համալսարանում, աշխատել Կենտկոմում։ Մայրը՝ Լուիզա Ժվանիան, արյունաբան, ամբողջ կյանքն աշխատել է Թբիլիսիի երկաթուղային հիվանդանոցում։
Դավիթ Ժվանիան սովորել է Թբիլիսիի թիվ 61 դպրոցում, ապա՝ ՏՊՀ-ում՝ տնտեսագետի որակավորմամբ։ Մանկուց ծանոթ է եղել Բադրի Պատարկացիշվիլիի հետ ով օլիգարխ Բորիս Բերեզովսկու համախոհն էր։
Նա լքել է Վրաստանը Զվիադ Գամսախուրդիայի օրոք, 1999 թվականին ստացել է Ուկրաինայի քաղաքացիություն, որից հետո սկսել է արագորեն զբաղվել բիզնես և քաղաքական կարիերայով։ Մի քանի տարի առաջ նրա ծնողները տեղափոխվել են Կիև, նրանք այլևս ողջ չեն, թաղված են Բայկովեի գերեզմանատանը։
Opinion, pooling and voting
