მუნიციპალიტეტის ხელმძღვანელობამ ნინოწმინდაში სამშენებლო სამუშაოებს დააკვირდა
დღეს, 12 ივლისს, ნინოწმინდის მუნიციპალიტეტის ხელმძღვანელობამ ქალაქის სამშენებლო სამუშაოების მიმდინარეობა შეამოწმა.
მათ მოინახულეს “ჰაიოს-ქართლოსისა” და ცენტრალური პარკები, ნინოწმინდის კულტურის ცენტრის ტერიტორია, ასევე ბავშვთა სახლის ეზოში ახლად აშენებული მინი-სტადიონი. ვიზიტის მიზანი იყო სამუშაოების მიმდინარეობის შემოწმება, ასევე დამატებითი რეკომენდაციების გაცემა.
ქალაქის მერის თქმით, „ჰაიოს-ქართლოსის“ პარკი წელს დასრულდება, ხოლო ცენტრალური პარკის რეკონსტრუქცია მომავალ წელს. მინი სტადიონი უკვე მზადაა გამოსაყენებლად. მინი სტადიონების მშენებლობა მუნიციპალიტეტის კიდევ სამ ლოკაციაზე იგეგმება: ქალაქის ნორაშენის ნაწილში, სოფ. მამზარა და დიდ გონდურაში.
„კლიმატური პირობები გვაძლევს შესაძლებლობას უპრობლემოდ ჩავატაროთ სამუშაოები. ვიმედოვნებთ, რომ წელს დაგეგმილი ყველა სამშენებლო სამუშაო წარმატებით დასრულდება.” – განაცხადა ქალაქის მერმა ანივარდ მოსოიანმა.
Opinion, pooling and voting
