Բաքվում ժայթքել է Լոքբաթան ցեխային հրաբուխը. ՏԵՍԱՆՅՈւԹ

Բաքվում ժայթքել է Լոքբաթան ցեխային հրաբուխը. ՏԵՍԱՆՅՈւԹ

Այսօր Բաքվում ժայթքել է Լոքբաթան ցեխային հրաբուխը, հայտնում են ադրբեջանական լրատվամիջոցները։

Հրաբուխը գտնվում է Ադրբեջանի մայրաքաղաքի Գարադաղի շրջանի Լոքբաթան գյուղի մոտ։

Ադրբեջանի երկրաբանության և երկրաֆիզիկայի ինստիտուտի տվյալներով՝ ժայթքումը բավականին հզոր է. այն սկսվել է դղրդյունով, ապա նկատվել է ցեխի արտանետում և փոշի:

Լոքբատանը աշխարհի ամենաինտենսիվ ցեխային հրաբուխներից մեկն է: Այստեղ առաջին ժայթքումը փաստագրվել է 1829 թվականին: Այդ ժամանակից ի վեր հրաբուխը ժայթքել է 27 անգամ, վերջինը՝ 2018թ.:

Ցեխի հրաբուխները բավականին հազվադեպ են: Ադրբեջանն ունի ամենաշատը մոլորակի վրա՝ 700 ցեխային հրաբուխ։

Սոցցանցերում տարածվել են հրաբխի ժայթքման կադրերը:

Opinion, pooling and voting