Շրջանների գազիֆիկացման համար Վրաստանի կառավարությունը կհատկացնի տասնյակ միլիոնավոր լարի

Շրջանների գազիֆիկացման համար Վրաստանի կառավարությունը կհատկացնի տասնյակ միլիոնավոր լարի

Վրաստանի կառավարությունը 2023 թվականին 88 մլն լարի (մոտ 33 մլն դոլար) կհատկացնի երկրի շրջանների գազիֆիկացման համար, հայտնել են կառավարության մամուլի ծառայությունից։

Գյուղերի գազաֆիկացումը և երկրի շրջանների բնակչությանը գազամատակարարումը 2023 թվականին Վրաստանի կառավարության առաջնահերթ ոլորտներն են։ Բյուջեով նախատեսվում է լրացուցիչ գումարների հատկացում նոր ծրագրերի իրականացման համար։

«Պլանի համաձայն՝ ավելի քան 26,000 հավելյալ բաժանորդներ բնական գազ ստանալու հնարավորություն կունենան: Ծրագրի իրականացման համար հատկացվել է մոտ 88 մլն լարի», – ասել է վարչապետ Իրակլի Ղարիբաշվիլին կառավարության տնտեսական հարցերով թիմի հետ հանդիպմանը։

Ինչպես նշվում է հաղորդագրության մեջ, Վրաստանի մինչև 150 գյուղ գազաֆիկացված կլինի։

Ավելի վաղ հաղորդվել էր, որ բնական գազով ապահովված է երկրի բնակչության 90%-ից մի փոքր ավելին։ Կառավարությունը խոստանում է գազաֆիկացման ծրագիրն ավարտել 2024 թվականին։