Ուսանողների ուսման վարձի մի մասը ֆինանսավորելու է Թբիլիսիի քաղաքապետարանը
Ուսանողների ֆինանսավորման ծրագրի շրջանակներում Թբիլիսիի քաղաքապետարանը սկսում է ընդունել 2022-2023 ուսումնական տարվա գարնանային կիսամյակի ուսման վարձի ֆինանսավորման հայտերը։
Ինչպես մայրաքաղաքի կառավարության նիստում ասել է Թբիլիսիի քաղաքապետ Կախա Կալաձեն, ֆինանսավորումը վերաբերում է մի քանի կատեգորիաների. սոցիալապես անապահով ուսանողներին, ուսանողներ, ովքեր մեծ ընտանիքների անդամներ են, հաշմանդամություն ունեցող ուսանողներին։
Նրա խոսքով, նշված երեք կատեգորիաների ուսումնառությունը ֆինանսավորվում են բոլոր երեք ակադեմիական մակարդակներում։
«Բացի այդ, ֆինանսական խրախուսանք՝ Թբիլիսիի քաղաքապետարանի կրթաթոշակ, տրվում է պետական բուհերի ականավոր մագիստրատուրայի ուսանողներին։ Թբիլիսիի տարածքում գրանցված անձինք, որոնք պատկանում են վերոնշյալ կատեգորիային, կֆինանսավորվեն։ Ինչ վերաբերում է ֆինանսավորման չափին, ապա դա կախված է նախորդ կիսամյակում ուսանողի ստացած գնահատականների միջին թվաբանական միավորից։ Հաշվի առնելով դա՝ ուսանողները կարող են ստանալ 50%, 70% կամ 100% ֆինանսավորում կիսամյակի չափով, որը կազմում է ոչ ավելի, քան 1125 լարի»,- ասել է Կախա Կալաձեն։
Նրա խոսքով, հետաքրքրված ուսանողները պետք է դիմեն քաղաքապետարան, իսկ ինչ վերաբերում է ներկայացվելիք փաստաթղթերին, ապա մանրամասն տեղեկատվություն կստանան Թբիլիսիի քաղաքապետարանի պաշտոնական կայքում։
«2022 թվականին ծրագրի բյուջեն ավելացվեց և ավելացրինք նոր կարևոր ուղղություն՝ բազմազավակ և հաշմանդամություն ունեցող ուսանողների ուսման ֆինանսավորումը։ Ըստ այդմ՝ ծրագրի շրջանակում անցած տարի ֆինանսական աջակցություն է ցուցաբերվել 4555 ուսանողի, իսկ 835 կարկառուն մագիստրանտներ արժանացել են Թբիլիսիի քաղաքապետարանի կրթաթոշակին»,- ասել է Թբիլիսիի քաղաքապետը։
Կախա Կալաձեն թվարկված կատեգորիաների ուսանողներին հորդորել է օգտվել նշված ծրագրից։
Opinion, pooling and voting
