სამცხე–ჯავახეთის სამხარეო ადმინისტრაციაში ექვსი თვის განმავლობაში 23.195 ლარის დანამატი და 20.910 ლარი პრემია გაიცა. პრემია/დანამატი სამხარეო ადმინისტრაციის თანამშრომლებმა იანვრის გარდა ყველა თვეში მიიღეს .
სახელმწიფო რწმუნებულის–გუბერნატორის ამდინისტრაციაში განმარტავენ, რომ დანამატები თანამშრომლებზე ზეგანაკვეთური მუშაობის შესრულების გამო გაიცა.
„32 საშტატო ერთეულიდან ვაკანტურია 9 პოზიცია, რაც იწვევს მოხელეთათვის დამატებითი სამუშაოს შესრულებას, რის გამოც ეძლევა დანამატი ვაკანტური პოზიციებიდან შრომის ანაზღაურების მუხლში დარჩენილი ეკონომიების ხარჯზე“, – აცხადებენ გუბერნიის ადმინისტრაციულ სამსახურში.
მათივე ინფორმაციით, იანვრიდან დღემდე სამცხე–ჯავეხეთის სამხარეო ადმინისტრაციაში პრემია მხოლოდ ერთხელ, აღდგომის დღესასწაულზე გაიცა. პრემია ხელფასის ოდენობით ყველა თანამშრომელმა მიიღო.http://sknews.ge