Այս տարի կվերանորոգվի՞ Մադաթափա լճի ամբարտակը
«Մադատափա լճի ամբարտակը, ամենայն հավանականությամբ, կվերանորոգվի 2023 թվականին», – ասել է Պահպանվող տարածքների գործակալությունը:
Մադաթափա լիճը Ջավախեթիի ազգային պարկի մի մասն է և Վրաստանի լճերից է, որը լի է չվող թռչուններով։ Երկար տարիներ մենք հետևում ենք լճում ջրի մակարդակի նվազմանը։ Սրա պատճառները մի քանիսն են, հիմնականներից մեկը վնասված պատնեշն է, որի վերանորոգման մասին խոսվում է տարիներ շարունակ։
Radio NOR-ը կապ հաստատեց Ջավախքի ազգային պարկի ռեյնջերներից Թամազ Կարապետյանի հետ, ով մեզ հայտնեց, որ ամբարտակի վերանորոգման համար մրցույթ է հայտարարվել անցյալ տարի, սակայն այն չի կայացել, քանի որ դրան ոչ ոք չի մասնակցել։ Որպես դրա պատճառ պոտենցիալ մասնակիցները նշել են բնական պայմանները, քանի որ, ըստ Կարապետյանի, «մրցույթը հայտարարվել է ուշ ցուրտ սեզոնին»։
Սակայն նա վստահ է, որ 2023 թվականին ամբարտակը կվերականգնվի, իսկ լճում ջրի մակարդակը կբարձրանա։
Առաջիկա աշխատանքների մասին մանրամասն տեղեկատվություն ստանալու համար պաշտոնական նամակով դիմել ենք նաև Պահպանվող տարածքների գործակալությանը, որից դեռ պատասխան չենք ստացել։
Ամբարտակի մոտ կան երկու լայն առուներ, որոնցից ջուրն անխնա հոսում է գարնանն ու ամռանը։
Լճի չորացման մեկ այլ պատճառ էլ առեղծվածային ստորգետնյա անցքերի հետ է կապված։ Լճից ջուրը հոսում է այս անցքերի մեջ։ Այս առեղծվածը դեռևս բացահայտված չէ, թեև բնապահպանական գործակալության ներկայացուցիչներն ասում են, որ սա բնական երևույթ է, և իրենք ոչինչ չեն կարող անել դրա դեմ։ Դրանով պետք է զբաղվեն փորձագետները:
Գարնանը լիճը հիմնականում սնվում է ձնհալից ու անձրեւաջրերից, իսկ երբ անձրեւները դադարում են, ջրի մակարդակն իջնում է։ Վերջին երկու տարիներին դրա պատճառով լճում նույնիսկ նոր կղզի է հայտնվել, որը տարեցտարի մեծանում է չափերով։ Այս երեւույթը նախկինում երբեք չի նկատվել։ Լճի մի մասը ճահճային է, և խնդիրը մնում է արդիական։
Մադաթափա լճիը 2022 թվականի սեպտեմբերին։
Մադաթափա լիճը գրավիչ վայր է զբոսաշրջիկների համար։ Այստեղ ապրում է ավելի քան 180 տեսակի թռչուն։ Ջավախքի ազգային պարկում ապրող թռչունների ընդհանուր թիվը հասնում է մինչև 200 առանձնյակի։ 2023 թվականի հինգ ամիսներին Ջավախքի պահպանվող տարածքներ է այցելել 1279 մարդ։
Opinion, pooling and voting
