Զգուշացեք. Վրաստանի բնակիչներին հիշեցրել են ինտերնետ խաբեբաների վտանգների մասին
Պետք է զգույշ լինել ձեր բանկային տվյալները ինտերնետում օգտագործելիս, քանի որ բանկերն անզոր են խարդախների ու խարդախությունների դեմ, Formula հեռուստաալիքի եթերում ասել է Վրաստանի բանկերի ասոցիացիայի կիբերանվտանգության համակարգող Ինգա Կարչավան։
Վերջերս Վրաստանում հաճախակիացել են խարդախության դեպքերը, երբ պետական կառույցների և խոշոր մասնավոր ընկերությունների անունից խարդախները հրապարակում են կեղծ էլեկտրոնային հասցեներով էջեր և խնդրում այդ էջերում մուտքագրել բանկային քարտի տվյալները։ Արդյունքում, հաշվից գումարները գնում են խաբեբաներին:
«Բանկերը մշտապես տեղեկացնում են օգտատերերին, որ պետք է ուշադրություն դարձնեն էջի վերնագրին նախքան ինտերնետ-բանկինգ կամ բանկային քարտի տվյալները մուտքագրելը, սակայն դրանից հետո մարդիկ իրենք են պատասխանատու իրենց գործողությունների համար, քանի որ իրենք են տրամադրում իրենց բանկային տեղեկատվությունը»,- պարզաբանել է Կարչավան։
Նա հորդորել է օգտատերերին ուշադիր ստուգել այն կայքերը, որոնք պահանջում են մուտքագրել բանկային տեղեկատվություն:
Opinion, pooling and voting
