Ոստիկանների և զինվորականների աշխատավարձերը կբարձրանան
Բյուջեն կավելանա 500 միլիոն լարիով, այս մասին կառավարության նիստում հայտարարել է վարչապետ Իրակլի Ղարիբաշվիլին։
Նրա խոսքով, ավելացված բյուջեն ուղղվելու է աշխատավարձերի բարձրացմանը, ինչպես նաև արդեն իսկ սկսված ծրագրերի ֆինանսավորմանը և ուղղվելու է առողջապահության, կրթության, տնտեսության և այլ ոլորտներին։
«Գիտեք, որ մենք վերջին տարիներին կարողացել ենք ֆինանսավորել շատ կարևոր ծրագրեր, այն է՝ դպրոցների վերականգնման ծրագիրը. Մենք ավելացրել ենք սոցիալական աջակցությունը՝ տարեկան կես միլիարդից ավելի։ Բարձրացրինք մեր ոստիկանների, զինվորների, բոլոր պետական ծառայողների աշխատավարձերը։ Ընդհանուր առմամբ 40 տոկոսով բարձրացել են ոստիկանների ու զինվորների աշխատավարձերը, այս գործընթացները, իհարկե, շարունակվելու են, հունվարին բոլոր քաղծառայողները աշխատավարձի բարձրացում են ստանալու։ Ընդհանուր առմամբ, ոստիկանությունն ու բանակը վերջին երեք տարում կստանան 50 տոկոս աճ, իսկ քաղծառայողները՝ 30 տոկոս։ Մենք կֆինանսավորենք նաև այլ կարևոր ծրագրեր՝ լինեն դա ենթակառուցվածքային, թե սոցիալական այլ ոլորտներ, առողջապահություն։ Ավելացված բյուջեով ֆինանսավորվելու են ուռուցքաբանական հիվանդություններ ունեցող երեխաները, որոնք կուղարկվեն բարձրակարգ կլինիկաներ։ Սա անձամբ վերահսկվում և ուղղորդվում է նախարարի կողմից։ Բյուջեից հավելյալ միջոցներ կուղղենք նաև ներքին գործերի նախարարությանը, կրթությանը, էկոնոմիկային, բանակին։ Ուզում եմ նաև հակիրճ ասել, որ մենք այս ճշտված բյուջեն կներկայացնենք խորհրդարանին»,- ասել է Ղարիբաշվիլին։
Ղարիբաշվիլիի խոսքով՝ 2024 թվականի բյուջեի նախնական նախագիծը խորհրդարան կներկայացվի սեպտեմբերի 29-ին։
Opinion, pooling and voting
