ԵՄ-ն Ադրբեջանին կոչ է անում վերահաստատել ՀՀ տարածքային ամբողջականությունը ճանաչելու իր հանձնառությունը
Եվրամիությունն Ադրբեջանին կոչ է անում վերահաստատել Հայաստանի տարածքային ամբողջականությունը ճանաչելու իր հանձնառությունը:
Այս մասին շեշտել է ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը՝ ԼՂ-ում զարգացումների թեմայով իր հայտարարությունում:
Հայտարարությամբ ԵՄ-ն վերահաստատել է նաև իր աջակցությունը Հայաստանի և Ադրբեջանի ինքնիշխանությանը և տարածքային ամբողջականությանը։
«Մենք կոչ ենք անում Ադրբեջանին վերահաստատել իր միանշանակ հանձնառությունը Հայաստանի տարածքային ամբողջականությանը՝ 1991 թվականի Ալմաթիի հռչակագրի համապատասխան»,-նշել է Բորելը:
ԵՄ-ից նաև շեշտել են՝ պատրաստ են հետագայում ևս աջակցել Հայաստանի ժողովրդավարական ճանապարհով ընտրված իշխանություններին՝ երկրում կայունությանը, անվտանգությանը և ժողովրդավարական բարեփոխումների շարունակմանը: Հայաստանում Եվրոպական միության առաքելությունը կշարունակի դիտարկել և զեկուցել Ադրբեջանի հետ սահմանի հայկական կողմում անվտանգային իրավիճակի մասին։
ԵՄ-ն կոչ է անում անում վերսկսել Հայաստանի և Ադրբեջանի միջև բանակցությունները բոլոր անորոշ հարցերի շուրջ՝ խաղաղության պայմանագրի կնքման համար:
«Եվրամիությունը լիովին հավատարիմ է մնում կողմերի միջև երկխոսությունը հեշտացնելուն, հատկապես Եվրոպական խորհրդի նախագահի հովանու ներքո՝ ԵՄ հատուկ ներկայացուցչի աջակցությամբ՝ ի շահ տարածաշրջանի բոլոր մարդկանց ապահովելու երկարատև խաղաղություն»,-ասված է հայտարարությունում:
Opinion, pooling and voting
