Մեկնարկել է Փոքր Գոնդուրայի, Դիլիֆի եւ Սպասովկայի մինի մարզադաշտերի վերանորոգումը

Նինոծմինդայի մունիցիպալիտետի Փոքր Գոնդուրա եւ Դիլիֆ գյուղերի մինի մարզադաշտերը քանդվել են եւ օգտագորրծման պիտանի չեն: Ինչպես նաեւ վերանորոգման է ենթակա Սպասովկայի մարզադաշտը:

Բնակիչները բազմիցս անգամ իրենց դժգոհություն են հայտնել մինի մարզադաշտերի քանդված վիճակի մասին:

Հետևողական լինելով այդ հարցին նկատեցինք, որ Փոքր Գոնդուրա գյուղում արդեն մեկնարկել է մինի մարզադաշտի վերանորոգման աշատանքները։

Ինչպես տեղեկացանք Նինոծմինդայի քաղաքապետարանի ենթակառուցվածքների ծառայության պետ Արմեն Բդոյանից՝ Դիլիֆի, Փոքր Գոնդուրայի եւ Սպասովկայի խաղադաշտերի վերանորոգման մրցույթն արդեն կայացել է։ Աշխատանքներն իրականացնում է անհատ ձեռներեց Ռազմիկ Ղումաշյանին պատկանող ընկերությունը։

Նշենք, որ աշխատանքները մեկնարկել են 2023 թվականի հոկտեմբերի 22 -ին և ժամկետը կավարտվի 2024 թվականի հունվարի 22 -ին, ըստ պայմանագրի։

Հիշեցնենք, որ վերոնշյալ աշխատանքների համար հատկացված է 158 423 լարի, որտեղից 5% -ը ֆինանսավորվում է տեղական բյուջեից իսկ 95% -ը պետական:

1. Փոքր Գոնդուրայի մինի մարզադաշտ – 87 963 լարի
2. Դիլիֆ գյուղի մինի մարզադաշտ – 64 718 լարի
3. Սպասովկա գյուղի մինի մարզադաշտի – 5742 լարի

Կարդացեք նաև՝

• Ե՞րբ վերջապես կվերանորոգվեն Փոքր Գոնդուրայի, Դիլիֆի եւ Սպասովկայի մինի մարզադաշտերը
• Սպասվող փոփոխություններ. Ե՞րբ կվերանորոգվեն Դիլիֆի եւ Փոքր Գոնդուրայի մինի մարզադաշտերը

---

---