Սպասվող փոփոխություններ. Ե՞րբ կվերանորոգվեն Դիլիֆի եւ Փոքր Գոնդուրայի մինի մարզադաշտերը

Նինոծմինդայի մունիցիպալիտետի Փոքր Գոնդուրա եւ Դիլիֆ գյուղերի մինի մարզադաշտերը քանդվել են եւ օգտագորրծման պիտանի չեն:

Փոքր Գոնդուրայի բնակիչները NOR -ի հետ զրույցում ասացին. «Մինի մարզադաշտը արդեն երկար ժամանակ է գտնվում է քանդված վիճակում: Խաղադաշտը քանդվել է՝ ինչպես ցանկապատը այնպես էլ տարածքը, որտեղ անձրեւային եղանակներից հետո խաղադաշտը լցվում է ջրով եւ ընդհանրապես սպորտով զբաղվել հնարավոր չէ»:

Անմխիթար վիճակում է գտնվում նաեւ Դիլիֆի մինի մարզադաշտը, որը նույնպես ունի վերանորոգման կարիք:

Խնդրի առնչությամբ Նինոծմինդայի քաղաքապետարանի ենթակառուցվածքների ծառայությունից մարտ ամսվա տվյալներով տեղեկացրել էին, որ վերանորոգման ծրագրի մեջ ներառված են թվով 3 մարզադաշտեր, Փոքր Գոնդուրայի, Սպասովկայի եւ Դիլիֆի: Ծրագրի պատրաստման աշխատանքները ավարտելուց հետո կհայտարարվի մրցույթ եւ վերանորոգման աշխատանքերը կսկսվեն: Նախատեսված գումարը կազմում է մոտ 150 000 լարի:

Փոքր Գոնդուրայի բնակիչները բողոքում են մինի մարզադաշտի անմխիթար վիճակից

Ճշտելու համար, թե ե՞րբ կմեկնարկեն վերանորոգման աշխատանքները, նորից դիմեցինք Նինոծմինդայի քաղաքապետարանի ենթակառուցվածքների ծառայություն որտեղից պատասխանեցին, որ վերնոշյալ գյուղերի մարզադաշտերի ծրագիրը պատրաստ է եւ այն ուղարկված է փորձաքնության: Ծրագիրը ստանալուց հետո մրցույթը կհայտարարվի:

Մանրամասները՝ ձայնագրությունում.

Radio NOR · Սպասվող փոփոխություններ. Ե՞րբ կվերանորոգվեն Դիլիֆի եւ Փոքր Գոնդուրայի մինի մարզադաշտերը

Թե հետագայում ինչպիսի զարգացում կունենա վերոնշյալ մարզադաշտերի վերանորոգման հարցը՝ NOR ռադիոկայանը կլինի հետեւողական եւ պարբերաբար կտեղեկացնի այդ մասին:

Թեմատիկ՝