Բազմազավակ ընտանիքների համար սոցիալական օգնությունից ստացվող գումարը բավարար չէ
Օրլովկա գյուղից Ջումբեր Միկուտիշվիլիի բազմազավակ ընտանիքը սոցիալապես ապահովված չէ. Ընտանիքը բաղկացած է 4 անչափահաս երեխաներից՝ ամուսին, կին և զոքանջը։ Նրանք սեփական տուն չունեն։ Նախկինում նրանք ապրում էին Նինոծմինդա քաղաքում՝ վարձով, սակայն քանի որ փեսան սկսել է աշխատել Օրլովկա գյուղում, ժամանակավորապես տեղափոխվել են այնտեղ։ Նրանք այստեղ նույնպես վարձով են ապրում։
Ընտանիքը սոցիալական օգնություն է ստանում պետությունից, միանվագ՝ քաղաքապետարանից, սակայն ծախսերը, այնուամենայնիվ, գերազանցում են ստացված միջոցները։ Ընտանիքի միակ աշխատող անդամը Ջումբերն է։ Ավագ երեխան 10 տարեկան է, իսկ փոքրը՝ մեկ տարեկան երեք ամսական։
«Ընտանիքում աշխատում է միայն իմ փեսան, իսկ ես ու աղջիկս առողջական վիճակի պատճառով չենք կարողանում աշխատել։ Մենք տուն չունենք։ Մենք տուն ենք վարձել և արդեն վճարել ենք 1000 լարի։ Երբ Նինոծմինդա քաղաքում էինք ապրում, ամեն ամիս 300 լարի վարձ էինք տալիս»,- ասում է Աղուն Սքոյանը։
Ընտանիքը յուրաքանչյուր երեխայի համար պետությունից ստանում է ամսական 200 լարի, գումարած ընտանիքի յուրաքանչյուր անդամի համար 60 լարի, բացառությամբ ընտանիքի հոր՝ Ջումբերի։ Նրանք օգտվում են նաև քաղաքապետարանի սոցիալական փաթեթից, որը ներառում է միանվագ օգնություն՝ տարեկան 300 լարիի չափով։ «Քանի որ սեփական մեքենա չունենք, առողջական խնդիրների պատճառով ստիպված ենք անընդհատ տաքսիներից օգտվել, ինչը լրացուցիչ ֆինանսական ծախսեր է պահանջում բժիշկների, հետազոտությունների և դեղորայքի համար։ Բարեբախտաբար, համակարգչային տոմոգրաֆիայի համար նախատեսված միջոցների մի մասը նույնպես ստացել ենք սոցիալական փաթեթից»,- նշում է Աղուն Սքոյանը։
Ըստ Աղունի՝ ընտանիքը ապահովված չէ, իսկ ստացված սոցիալական օգնությունը բավարար չէ։ «Վարձ ենք տալիս, երեխաների համար հագուստ, սնունդ ենք գնում, երեխաների համար դպրոցական պարագաներ, կոմունալ ծախսեր ենք վճարում»,- ավելացնում է Աղունը։
Բազմազավակ ընտանիքների մեջ կային այնպիսիք, ովքեր նշում էին, որ լավ է, որ միանվագ օգնություն են ստացել, բայց լավ կլիներ մշտական աշխատանք տանյին, որպեսզի ամեն ամիս աշխատավարձ ստանան։
Այս 2023 թվականին տեղական բյուջեից սոցիալական աջակցության համար հատկացվել է 617,00 լարի։ Սոցիալական փաթեթը մեկանգամյա է, մարդիկ կարող են սոցփաթեթից օգտվել մեկ անգամ ամբողջ տարվա ընթացքում։ Սոցիալական փաթեթը բաղկացած է ինը կետից։
Սոցիալական փաթեթից կարող են օգտվել Նինոծմինդայի մունիցիպալիտետում գրանցված բնակության վայր ունեցող Վրաստանի քաղաքացիները՝ համապատասխան փաստաթղթերի տրամադրմամբ։ Փաթեթը բաղկացած է ինը հոդվածից. Այսօր մենք կուսումնասիրենք հատկապես վեցերորդ հոդվածը։
Վեցերորդ հոդվածի համար՝ բազմազավակ ընտանիքների սոցիալական աջակցությունը, հատկացվել է 15000 լարի։ Այն ընտանիքները, ովքեր ունեն չորս և ավելի անչափահաս երեխա (0-ից 18 տարեկան) տարեկան մեկ անգամ կստանան 300 լարի, իսկ հինգերորդ և յուրաքանչյուր հաջորդ երեխայի համար՝ հավելյալ 50 լարի։ Դուք պետք է ներկայացնեք երեխայի ծննդյան վկայականի պատճենը, ծնողի անձը հաստատող փաստաթուղթը, ամուսնության վկայականը, վարկանիշային միավորը, բանկային տվյալները և դիմում:
Ինչպես տեղեկացանք քաղաքապետարանի սոցիալական վարչությունից, այս հոդվածից արդեն օգտվել է 39 ընտանիք։ Գումարը կազմել է 12000 լարի։
Opinion, pooling and voting
