Քաղցկեղը հաղթահարած, արմատներով Ժդանովականից մոդել Հասմիկ Սանամյանը հաղթել է Չինաստանում անցկացված գեղեցկության մրցույթում
Հասմիկ Սանամյանի ծնողները ծնվել և մեծացել են Նինոծմինդայի շրջանի Ժդանովական գյուղում, այնուհետև բնակություն են հաստատել Երևանում։ Հասմիկը ծնվել և մեծացել է Երևանում։
Չինաստանի Շենչժեն քաղաքում անցկացվող ամենամյա «World Madam Competition 2023»-ում հաղթող է ճանաչվել հայազգի մոդել Հասմիկ Սանամյանը: Մոդելը Tert.am Life-ին պատմել է մրցույթի և իր նպատակների մասին:
««World Madam Competition 2023»-ը հեղինակավոր մրցույթ է, որն անցկացվում է Չինաստանում և բազմաթիվ երկրներից կանայք հրավիրվում են մասնակցելու ու ներկայացնելու իրենց երկիրը: Այս տարի ես ներկայացրել եմ Հայաստանն ու գրավել առաջին հորիզոնականը: Արժանացել եմ “Annual Global Champion” տիտղոսին»,- ասել է Հասմիկ Սանամյանը:
Մոդելը կարողացել է հաղթահարել քաղցկեղն, իսկ մրցույթին մասնակցել՝ ունենալով արտաքին մաշկային առանձնահատկություններ:
«Ինձ համար շատ կարևոր է ոգևորել բոլոր այն կանանց, որոնք հիմա գտնվում են քաղցկեղի հաղթահարման փուլում ու նաև բոլոր նրանց,որոնք ունեն արտաքին որոշակի առանձնահատկություններ, քանի որ ինքս ունեմ վիտիլիգո և ուզում եմ ցույց տալ, որ տարբերվող արտաքինը ևս գեղեցիկ է»,- նշել է նա:
Opinion, pooling and voting
