Նինոծմինդա քաղաքի գրադարանային ֆոնդը հարստացել է նոր գրքերով

Նինոծմինդա քաղաքի կենտրոնական գրադարանը թարմացվել է ավելի քան 100 միավոր հայ գրականությամբ։

Հունվարի 29-ին Նինոծմինդա քաղաքի կենտրոնական գրադարանին Նինոծմինդա քաղաքի բնակիչներ Մկրտչյան Համիկը և Սողոյան Մուրադը նվիրաբերեցին ավելի քան 100 օրինակ գրքեր։ Բնակիչները որոշել են, որ այս կերպ կօգնեն գրադարանին հարստացնել նոր գրքերով, ինչպես նաև գրավել ընթերցանության սիրահարներին։

Կենտրոնական գրադարանի տնօրեն Ցողիկ Իսպիրյանը շնորհակալություն հայտնեց և նշեց, որ տեղի գրադարանին գիրք նվիրելը մեծ օգնություն է, ինչը նպաստում է գրադարանի հայ գրականությամբ հարստացմանը։

Վերջին մի քանի տարիների ընթացքում գրադարանի գրքերի հավաքածուն համալրվել է վրացերեն նոր գրքերով՝ ինչպես մանկական, այնպես էլ մեծահասակների համար: Այստեղ կարող եք գտնել տեղեկատու գրքեր, գեղարվեստական գրականություն, դասականների թարգմանություններ, ժամանակակից գրողների, ռուս և արտասահմանյան հեղինակների ստեղծագործություններ: Սակայն գրադարանը վերջերս հայերենով նոր գրքեր չի ստացել, իսկ հավաքածուում եղածներն արդեն հին են։ Բնակիչների նվերները պարբերաբար հարստացնում են գրքային ֆոնդը։

Տնօրենի խոսքով, ներկայումս գրադարանը գրքեր է ստանում միայն Թբիլիսիից։ Նրանք գրքերի վաուչերներ են ստանում, որոնք հետո դրանք ձեռք են բերում ցուցահանդեսներից: Նախկինում գրադարան էին գալիս տարբեր տարիքի մարդիկ։ Հիմա չափահաս սերունդը հիմնականում հայերեն կամ ռուսերեն գրքեր է կարդում։ Ճիշտ է, հարկ է նշել, որ վրացերենի նկատմամբ հետաքրքրությունը աստիճանաբար աճում է, ինչը պայմանավորված է դպրոցներում վրաց լեզվի նկատմամբ հետաքրքրության աճով։

Գրադարանը գրքերի շտեմարան է, իսկ գիրքը այն հիմքն է, որի վրա կառուցվում է ազգի մշակույթը: Այստեղ ցանկացողները հնարավորություն ունեն ձեռք բերելու վրացական գրականություն։

Հավելենք, որ Նինոծմինդայի կենտրոնական գրադարանը հիմնադրվել է 1930-ական թվականներին՝ որպես ընթերցասրահ։ Աստիճանաբար այս վայրը վերածվեց գրադարանի։ Այս պահին գործում է Նինոծմինդայի կենտրոնական գրադարանը՝ իր 13 մասնաճյուղերով գյուղերում։