«Վրացական երազանքը» հաստատել է Կոբախիձեի թեկնածությունը վարչապետի պաշտոնում
«Վրացական երազանք» խմբակցության նախագահ Մամուկա Մդինարաձեն հաստատում է, որ վարչապետի պաշտոնում դիտարկվում է Իրակլի Կոբախիձեի թեկնածությունը։
Նա նշել է, որ Իրակլի Կոբախիձեն, ամենայն հավանականությամբ, կզբաղեցնի կուսակցության քարտուղարության քաղաքական քարտուղարի պաշտոնը։
Մամուկա Մդինարաձեի խոսքով՝ փետրվարի 1-ին տեղի կունենա կուսակցության համագումարը, որի ընթացքում կհաստատվեն փոփոխությունները։
«Ինչ վերաբերում է վարչապետի պաշտոնին, ապա տեղեկություններ են տարածվել Իրակլի Կոբախիձեի վերաբերյալ։ Իհարկե, նրա թեկնածությունը դիտարկվում է, ես դա հաստատում եմ։ Պարոն Իրակլին ևս միտումնավոր չնշեց Իրակլի Կոբախիձեի անունը, այս ֆորմալությունը պետք է պահպանել իրական առումով, սա այն կանոնն է, ըստ որի կուսակցության պատվավոր նախագահը Քաղխորհրդի հաստատմանն է ներկայացնում՝ համաձայն մեր կուսակցության կանոնադրության, իսկ դրանից հետո նա դառնում է թեկնածու»,- հայտարարել է Մամուկա Մդինարաձեն։
Նշենք, որ հունվարի 29-ին Իրակլի Ղարիբաշվիլին լքել էր Վրաստանի վարչապետի պաշտոնը՝ հայտնելով, որ առաջարկ է ստացել զբաղեցնել կուսակցության նախագահի պաշտոնը։ jnews.ge
Opinion, pooling and voting
