Ինչպես թուլացնել պարանոցի լարվածությունը
Վերականգնողական մասնագետ Օլգա Դերենդեևան պատմել է, թե ինչպես ճիշտ վարժություններ անել աշխատավայրում՝ պարանոցի լարվածությունը թոթափելու համար։ Նա aif.ru հրատարակությանը պատմել է, թե ինչպես դա անել:
Դերենդեևայի խոսքով, մարդկանց մինչև 70 տոկոսը պարանոցի ցավ է զգում, և դա ավելի հաճախ հանդիպում է կանանց մոտ: Այս խնդրի հիմնական պատճառը գաջեթների մշտական օգտագործումն ու համակարգչի մոտ աշխատելն է։ Հիվանդությունը նույնիսկ ստացել է «համակարգչային պարանոցի համախտանիշ» անվանումը։
Մասնագետի խոսքով՝ ցավը կարելի է կանխել պարզ վարժությունների միջոցով։ Ընդ որում, դրանք կարող են իրականացվել աշխատանքային օրվա ընթացքում։ Առաջինը կօգնի ինքնամերսումը, վստահեցրել է Դերենդեեւան։ Կարևոր է տաքացնել ոչ միայն պարանոցի, այլև կրծքավանդակի մկանները, պարզաբանել է նա։
«Դա իրականացնելու համար պետք է վերցնել թենիսի գնդակ, իսկ եթե չունեք, կարող եք մատների ծայրերով ինքնամերսում անել։ Դուք պետք է հարմարավետ նստեք աթոռի վրա և ուղղեք ձեր մեջքը: Նուրբ շրջանաձև շարժումներով մերսեք կրծքավանդակը՝ շարժվելով նախ ժամացույցի սլաքի ուղղությամբ, ապա հակառակ ուղղությամբ»,-ասել է նա։
Որպես երկրորդ վարժություն՝ մասնագետը խորհուրդ է տվել ուսերը պտտել՝ հինգ անգամ առաջ և նույնքան հետ։ Նա նախազգուշացրել է, որ կարևոր է վարժությունը կատարել սահուն և ոչ կտրուկ:
Այնուհետեւ, ըստ մասնագետի, պետք է գլխի վեց պտույտ կատարել յուրաքանչյուր ուղղությամբ։ Դերենդեևան խորհուրդ է տվել վարժություններն ավարտել «Գնդակ նկարիր» վարժությունով:
«Պատկերացրեք, որ ձեր ատամների մեջ մատիտ ունեք, գլխի շարժումներով մտովի գնդակ նկարեք, թող այն փոքր տրամագծով լինի: Կրկնեք հինգ անգամ յուրաքանչյուր կողմից՝ շարժումները պահելով հարթ և առանց ցնցումների»,- խորհուրդ է տվել նա:
Opinion, pooling and voting
