ԵԽ-ն 504 ձայնով հավանություն է տվել բանաձեւին, որով դիտարկում է ՀՀ-ին ԵՄ անդամակցության թեկնածուի կարգավիճակ տալու հնարավորությունը
Եվրախորհրդարանը 504 ձայնով հավանություն է տվել բանաձեւին, ըստ որի՝ Հայաստանին կաջակցեն եւ առաջարկվում է դիտարկել Հայաստանին ԵՄ անդամակցության թեկնածուի կարգավիճակ տալու հնարավորությունը։
Բացի այդ, բանաձեւում կարեւորվել են հետեւյալ կետերը.
▪︎ Ընդունում է, որ Ռուսաստանի Դաշնության ազդեցությունը Հայաստանի տնտեսության վրա մնում է բարձր, կոչ է անում Հայաստանին զգոն լինել երկրում տեղի ունեցող ԵՄ պատժամիջոցների հնարավոր շրջանցման հարցում. լիովին գիտակցում է սպառնալիքների մակարդակն ու բազմազանությունը, որոնք Ռուսաստանի Դաշնությունը կարող է փորձել օգտագործել Հայաստանի դեմ՝ պատժելու նրան իր անկախ քաղաքական և ռազմավարական ընտրությունների համար։
▪︎ Ողջունում է Հայաստանի որոշումը՝ դադարեցնել մասնակցությունը ՀԱՊԿ-ին այն բանից հետո, երբ վերջինս չկարողացավ օգնել Հայաստանին ռազմական ագրեսիայի դեմ պայքարում. աջակցում է Ռուսաստանին ուղղված Հայաստանի պաշտոնական խնդրանքին՝ ԱԴԾ սահմանապահներին միջազգային օդանավակայանից (Երևան) դուրս բերելու վերաբերյալ։
▪︎ Շեշտում է, որ ԵՄ-ն պետք է պատրաստ լինի պատժամիջոցներ կիրառել ցանկացած ֆիզիկական և իրավաբանական անձանց նկատմամբ, որոնք սպառնում են Հայաստանի ինքնիշխանությանը, անկախությանը և տարածքային ամբողջականությանը։
Opinion, pooling and voting
