Ինչքան եկամուտ է ստանում Վրաստանը բեռնատարների մուտքից

Փետրվարին բեռնատարների տարանցման ժամանակ ճանապարհների օգտագործումից Վրաստանի եկամուտը կազմել է գրեթե 14 մլն լարի, հայտնում է bm.ge-ն։

Անցած ամիս Վրաստանի տարածքով անցել է գրեթե 40 հազար բեռնատար։ 2023 թվականի նույն ժամանակահատվածում՝ 34,2 հազար:

Հունվար-փետրվարին վրացական միջանցքի օգտագործման համար բյուջե է մուտքագրվել մոտ 27,2 մլն լարի։ 2023 թվականի առաջին երկու ամսում այս ցուցանիշը կազմել է 24 մլն լարի։

2023 թվականի հունիսի 20-ից բեռնատարների տարանցման ժամանակ ճանապարհներից օգտվելու արժեքը աճել է 75%-ով՝ 200-ից հասնելով 350 լարիի։

2023 թվականին վրացական միջանցքով անցել է շուրջ 520 հազար բեռնատար, իսկ եկամուտը կազմել է մոտ 182 միլիոն լարի։ Այս ցուցանիշը 42%-ով ավելի է նախորդ տարվա համեմատ և ռեկորդային է երկրի համար։

---

---