USAID-ը սկսում է ֆերմերներին աջակցելու նոր ծրագիր
USAID-ը (ԱՄՆ Միջազգային զարգացման գործակալությունը) նոր ծրագիր է սկսում վրացի ֆերմերներին աջակցելու համար։ Մանրամասները հայտնի կդառնան շուտով, սակայն առայժմ հայտնի է, որ գործակալությունը նոր նախագծի վրա է աշխատում Վրաստանի կառավարության հետ։
«Ներկայումս մենք աշխատում ենք Վրաստանի կառավարության և մասնավոր հատվածի հետ՝ վրացի ֆերմերներին և սննդամթերք արտադրողներին աջակցելու նոր ծրագիր ստեղծելու ուղղությամբ», – նշվում է հաղորդագրության մեջ։
USAID-ն արդեն Վրաստանում իրականացնում է գյուղատնտեսական ծրագիր, որն ավելացրել է ավելի քան 100 հազար վրացի ֆերմերների եկամուտները։
«Բացվեց 6760 նոր աշխատատեղ, իսկ ընդհանուր վաճառքն ավելացավ 180 միլիոն դոլարով, այդ թվում՝ 70 միլիոն դոլարի արտահանումը։ Սա նպաստել է Վրաստանում ֆերմերների, ընտանիքների և համայնքների բարգավաճմանը»,- նշում է գործակալությունը։
Նշենք, որ վերջին հինգ տարիների ընթացքում ԱՄՆ Միջազգային զարգացման ամերիկյան գործակալությունը Վրաստանի տնտեսության մեջ 23 մլն դոլարի ներդրում է կատարել։
Վրաստանում ԱՄՆ դեսպան Ռոբին Դաննիգանը ԱՄՆ ՄԶԳ գյուղատնտեսական ծրագիրն անվանեց «մեր օգնության դեմքը»՝ նշելով, որ վրացի ֆերմերների համար իրականացվող հնգամյա ծրագիրը (արժեքը՝ 27 մլն դոլար) շատ արդյունավետ է։
Opinion, pooling and voting
