Վրաստանի բնակչությունը ծերանում է. ԱԶԲ-ի զեկույց

Ասիական զարգացման բանկի զեկույցի համաձայն՝ Վրաստանի բնակչությունը ծերանում է։ Սա հիմնականում պայմանավորված է ցածր ծնելիությամբ, կյանքի տեւողության բարելավմամբ և աշխատունակ տարիքի մարդկանց արտագաղթով:

«Պետությունը կարող է բարձրացնել աշխատողների աշխատանքի արտադրողականությունը՝ բարձրացնելով հմտությունների զարգացումը և տեխնոլոգիաների կիրառումը»,- նշվում է զեկույցում։

Հարկ է նշել նաև, որ աշխատուժում տղամարդկանց և կանանց մասնակցության տարբերությունը դեռևս խնդրահարույց է։

«Չնայած աշխատուժի կայուն պակասին, տղամարդկանց և կանանց աշխատուժի մասնակցության մակարդակի միջև առկա է մեծ տարբերություն: Շատ կարևոր է ներդնել այնպիսի քաղաքականություն, որը կնպաստի կանանց ներգրավմանը աշխատուժում»,- ասվում է ԱԶԲ-ի ուսումնասիրության մեջ։

Հիշեցնենք, որ Ասիական զարգացման բանկի կանխատեսման համաձայն՝ 2024 թվականին Վրաստանի տնտեսությունը կաճի 5 տոկոսով։ Բացի այդ, ԱԶԲ-ն ակնկալում է, որ հաջորդ տարի տնտեսությունը կաճի 5,5%-ով։

Թարմացված կանխատեսման համաձայն՝ Ասիական զարգացման բանկը ակնկալում է, որ այս տարի Վրաստանում գնաճը կկազմի 3,5%, իսկ 2025 թվականին կաճի մինչև 4%։

---

---