Բրոկոլի օգտակար հատկությունները

Բրոկկոլին պարունակում է ավելի շատ սպիտակուց, քան միսը: Այս բանջարեղենը հարուստ է միկրոէլեմենտներով և վիտամիններով, մասնավորապես С եւ К: Վիտամին A-ի պարունակությամբ գերազանցում է կաղամբի բոլոր տեսակներին: Մի քանի օր պահելու դեպքում վիտամին C-ի քանակը կրկնակի պակասում է: Դրանից խուսափելու համար բրոկկոլին պետք է պահել սառնարանում: Վիտամինները ավելի երկար կպահպանվեն բրոկկոլիի սառեցման դեպքում (այն պայմանով, որ պահելու կամ տեղափոխման ժամանակ այն չենթարկվի հալեցման):

Բայց արդյոք գիտե՞ք, թե ինչպես ճիշտ պատրաստել այն, ո՞ր մասերն են ուտելի և ի՞նչ հատկանիշներ ունեն: Իսկ ի՞նչ գիտեք այս բրոկոլիի տերևների և ցողունի մասին: Արդյո՞ք դրանք հնարավոր է ուտել: Միգուցե զարմանաք, բայց այո՛, դրանք իսկապես հնարավոր է ուտել: Ընդամենը 30 գրամ բրոկոլիի տերևները պարունակում են օրական պահանջված վիտամին A-ի 90%-ը, որը շատ կարևոր է տեսողությունն ու իմունիտետն ամրացնելու համար: Բացի այդ, այն պարունակում է նաև վիտամին C- ի օրական չափաքանակը: Քաղցկեղի կանխարգելման գործընթացում այս վիտամինն օգտակար է: Փորձեք եփել տերևները բրոկոլիի հետ:

Ինչպես տերևները, այնպես էլ՝ ցողունը, պարունակում են մեծ քանակությամբ մանրաթելեր: Մինչև ամբողջ բանջարեղենը խաշելը, սկզբում խաշեք ցողունը: Առհասարակ, փոձեք ոչ թե խաշել այն, այլ պարզապես լվանալուց հետո վրան մի քանի անգամ եռացրած ջուր լցնել: Այդպես ավելի լավ կպահպանվեն վիտամինները:

Բրոկկոլիի մեկ գլխիկը (608 գ.) իր մեջ պարունակում է 542 մգ. վիտամին C (օրական պահանջի 90.4%), 618 մգ. վիտամին K(77.2%),382 մգ. ֆոլեաթթու (96%),286 մգ. հեշտ յուրացվող կալցիում (29%),4,4 մգ. երկաթ (25%),128 մգ. մագնիում (32%),491 մգ.ֆոսֆոր (40%),1921 մգ.կալիում (55%): Այլ հակաօքսիդանտների շարքում բրոկկոլին պարունակում է նյութեր, որոնք ընդունակ են դիմադրելու քաղցկեղային բջիջների աճին: Բոլոր բույսերից սուլֆաֆանով ավելի հարուստ են բրոկկոլիի սերմերի ծիլերը, որոնք այդ նյութից պարունակում են 50 անգամ ավելի, քան հասուն բանջարեղենը: 

---

---