Եվրահանձնակատարը մերկացնում է Կոբախիձեին
Եվրոպական հարեւանության քաղաքականության և ընդլայնման հարցերով հանձնակատար Օլիվեր Վարհեյը մեղադրում է վարչապետ Իրակլի Կոբախիձեին իրենց հեռախոսային խոսակցությունը խեղաթյուրելու մեջ։
Վարհեյն ասում է, որ հեռախոսազրույցի մի հատվածն ամբողջությամբ դուրս է բերվել կոնտեքստից։ Վարհեյն ասում է, թե ինչու է Կոբախիձեի հետ խոսել Սլովակիայի օրինակի մասին։
Եվրահանձնակատարը եւս մեկ անգամ կոչ է անում Վրաստանի կառավարությանը չընդունել օրենքը։
«Անդրադառնալով Վրաստանի վարչապետի՝ 2024 թվականի մայիսի 23-ին արված հայտարարությանը, ցանկանում եմ իմ անկեղծ ափսոսանքը հայտնել, որ իմ հեռախոսազրույցի որոշ հատված հանվել է համատեքստից։
Որպես Հարևանության և ընդլայնման հարցերով պատասխանատու հանձնակատար՝ ես կանոնավոր կապի մեջ եմ իմ պորտֆելի երկրների կառավարությունների ներկայացուցիչների հետ, քանի որ հաղորդակցության ուղիները միշտ պետք է բաց լինեն ուղղակի քաղաքական փոխանակման համար:
Վրաստանի ներկայիս քաղաքական իրավիճակում ես մեծ ջանքեր եմ գործադրում, որպեսզի Վրաստանի քաղաքական ղեկավարությունը չենթարկվի արտաքին ազդեցության թափանցիկության մասին օրենքին, ինչը կարող է շեղել Վրաստանի ուղին դեպի ԵՄ:
Քաջ գիտակցելով վրաց հասարակության խիստ եվրամետ տրամադրությունները՝ իմ հեռախոսազրույցի ընթացքում անհրաժեշտ եմ զգացել վարչապետի ուշադրությունը հրավիրել այս օրենքի ընդունմամբ առանց այն էլ փխրուն իրավիճակը չսրելու կարևորության վրա, ինչը կարող է հանգեցնել հետագա բևեռացման և հնարավոր անվերահսկելի իրավիճակներ Թբիլիսիի փողոցներում։ Այս առումով Սլովակիայում տեղի ունեցած վերջին ողբերգական իրադարձությունը բերվեց որպես օրինակ և ցուցիչ, թե ուր կարող է հանգեցնել հասարակության բևեռացման նման բարձր մակարդակը նույնիսկ Եվրոպայում:
Կրկին ափսոսում եմ, որ իմ հեռախոսազանգի մի մասը ոչ միայն ամբողջությամբ դուրս է բերվել համատեքստից, այլև ներկայացվել է հանրությանը այնպես, որ կարող է հանգեցնել իմ հեռախոսազանգի սկզբնական մտադրության ամբողջական սխալ մեկնաբանմանը:
Ես կրկին կոչ եմ անում Վրաստանի իշխանություններին չընդունել այս օրենքը։
Ես դա խնդրում եմ նաև որպես Վրաստանի ճանաչված և հարգված բարեկամ։
Ես շարունակում եմ աջակցել վրացիներին, ովքեր ձգտում են դեպի եվրոպական ապագա»,- ասել է Վարհեյը։
Վարչապետ Իրակլի Կոբախիձեն այսօր արտակարգ հայտարարություն է արել. կառավարության ղեկավարը պնդում է, որ եվրահանձնակատարներից մեկը հեռախոսազրույցի ժամանակ սպառնացել է իրեն։
Opinion, pooling and voting
