Նինոծմինդայում կաթի գները նվազում են

Կաթի գների տատանումները արդեն որոշ ժամանակ է մեծ աղմուկ են բարձրացնում Նինոծմինդայի բնակչության շրջանում:

Նինոծմինդայի շրջանում հիմնական եկամտի աղբյուր է հանդիսանում անասնապահությունը, սակայն այսօրվա դրությամբ բնակիչները չեն կարողանում իրենց գյուղատնտեսական ապրանքը իրացնել հարմար գներով:

Անցած ամիս Նինոծմինդայի մունիցիպալիտետի Ջիգրաշեն գյուղի բնակիչները իրենց դժգոհությունն էին հայտնել կապված կաթի գների նվազման հետ։ Մայիսի 15 -ից կաթի գինը նվազել է նաև Հեշտիայի գյուղական համայնքում, նախկին 1․20 լարիի փոխարեն դառնալով 1 լարի։

Սաթխա գյուղի բնակիչներից կաթի գինը ճշտելու ժամանակ, նրանք հայտնեցին իրենց դժգոհությունը կաթի գներից՝ շեշտելով, որ 1 կովի համար հովվին վճարում են 150 լարի, 1 ոչխարի համար վճարում են 40 լարի, միսը գին չունի, չհաշված վարելը, ցանելն ու մնացած ծախսերը և դրան զուգահեռ ամեն ինչն էլ թանկ է։

NOR ռադիոկայանի տվյալներով Նինոծմինդայի մնացած գյուղերում գնային պատկերը այսպիսին է.

• Սաթխայում կաթի գինը արժե 1,20 լարի:
• Հեշտիայի գյուղական համայնքում կաթի գինը նախկին 1․20 լարիի փոխարեն արժե 1 լարի։
• Մեծ Գոնդուրա և Մամզարա գյուղերում կաթը արժե` 1 լարի:
• Ջիգրաշեն գյուղում կաթի գինը տատանվում է 1 լարիից մինչև 1,20 լարի:
• Օրոջալարում՝ կաթը արժե 1,20 լարի։
• Մեծ Խանչալիում՝ կաթը արժե 1,20 լարի։
• Փոքր Խանչալիում՝ կաթը արժե 1,20 լարի։
• Ժդանովական գյուղում՝ կաթը արժե 1,20 լարի։
• Գորելովկայում բնակիչները կաթը վաճառում են 1,20 լարիով։

Կարդացեք նաև՝

• Կաթի գները դարձյալ նվազման շեմին են․ Բնակիչները բողոքում են

---

---