Նինոծմինդա-Ծալկա-Թբիլիսի ճանապարհին բազմաթիվ փոսեր են գոյացել (ֆոտո)

Նինոծմինդա-Ծալկա-Թբիլիսի տանող ճանապարհին՝ մասնավորապես Նինոծմինդա-Փարվանա ընկած հատվածում գոյացել են տասնյակ խորը փոսեր, որոնք խոչընդոտում են երթևեկությանը և մեծացնում ճանապարհատրանսպորտային պատահարների վտանգը

Արդյոք նախատեսվում է իրականացնել վերանորոգման աշխատանքներ կենտրոնական ճանապարհին թե՞ ոչ, այս հարցի շուրջ փորձեցինք կապ հաստատել Վրաստանի ճանապարհային դեպարտամենտի աշխատակիցների հետ: Սակայն բազմաթիվ փորձերից հետո մեր զանգերին չպատասխանեցին:

NOR ռադիոկայանը ավելի ուշ նորից կփորձի գրավոր նամակի միջոցով կապ հաստատել Վրաստանի ճանապարհային դեպարտամենտի հետ եւ նյութը կթարմացվի:

Նշենք, որ քանդվել և անմխիթար վիճակում են գտնվում նաև ջրահեռացման համակարգերը, մասնավորապես Գանձա և Սաղամո գյուղերում։

Կարդացեք նաև՝

• Ճանապարհի վերջերս վերանորոգված հատվածը կրկին վերանորոգում է պահանջում. Սաթխայի խաչմերուկում նորից փոսեր են գոյացել
• Նինոծմինդայի կենտրոնական ճանապարհի մի մասը վերանորոգվում է

---

---