Քամին քշել է բարձրահարկ շենքի տանիքը
Հուլիսի 8-ին, ցերեկը քամին պոկել և վայր է գցել Աղմաշենեբելի առաջին նրբանցքի 1-ին տան տանիքի թիթեղյա ծածկը։ Հնգահարկ շենքի բնակիչները վախենում են շենքի կողքով քայլել՝ ասելով, որ իրենց բախտը բերել է, որ շենքի մոտ ոչ ոք չի եղել, երբ ծածկույթի կտորը ցած է ընկել։
«Քամի է եղել, տանիքից թիթեղը պոկվել է, նախ երրորդ հարկից ընկել է լվացքի պարանի վրա, պոկել այն ու ընկել գետնին»,- ասում է շենքի բնակիչ Տանյա Բարսեղյանը։
Բնակիչներն անհանգստացած են, այս տարածքում անընդհատ քամին ուժեղ է, մարդիկ վախենում են շենքի կողքով քայլել։
«Լավ է, որ այնտեղ երեխաներ չկային։ Սա բարձրահարկ շենք է, երեխաներն այստեղ անընդհատ խաղում են։ Մեր բախտը բերել է, որ ոչ ոք չի տուժել։ Այնքան ուժեղ աղմուկ էր, որ վախեցանք»,- ասում է մեկ այլ բնակիչ Մարինան:
Նշենք, որ այս շենքի տանիքի վիճակը մի քանի տարի է, ինչ անմխիթար վիճակում է։ Ուժեղ քամիները վատթարացնում են տանիքի առանց այն էլ վատ վիճակը։ Բնակիչները անընդհատ սպասում են տանիքի վերականգնմանը։ Աղմաշենեբելի 1-ին նրբանցքի 1-ին և 3-րդ շենքերի բնակիչները նախորդ անգամ՝ 2023 թվականին, դիմում էին ներկայացրել քաղաքապետարան՝ տանիքը վերականգնելու խնդրանքով։ Մենք ձեզ կտեղեկացնենք վաղը՝ հուլիսի 9-ին, թե ե՞րբ այս շենքի տանիքը կվերականգնվի։ jnews.ge
Opinion, pooling and voting
