Ֆիլիպիններին պատուհասել է «Տորաջի» թայֆունը

Ֆիլիպիններում մոլեգնում է «Տորաջի» թայֆունը: Այն հասել է Ֆիլիպինների հյուսիս-արևելյան ափերին և հարվածել արշիպելագի խոշորագույն կղզու ՝ Լուսոնի Աուրորա նահանգին:

Թայֆունի ազդեցության գոտում քամու առավելագույն արագությունը կազմել է 36 մ/վ: Օդերևութաբանները նախազգուշացնում են ուժգին քամիների և տեղատարափ անձրևների մասին: Հյուսիսային ափին փոթորկի ալիքների բարձրությունը կարող է հասնել 3 մետրի:

Նախօրեին իշխանությունները հարկադրաբար տարհանել են 2,5 հազար բնակչի: Փակվել են դպրոցներն ու գրասենյակները, չեղարկվել են լաստանավային չվերթերը, ինչպես նաև ներքին ավիաչվերթերը ռիսկային գոտու նահանգներում:

«Տորաջին» Ֆիլիպիններում վերջին մեկ ամսվա ընթացքում չորրորդ թայֆունն է:

---

---