Վրաստանը հայտնել է կասկածելի խափանումների մասին, որոնք ինտերնետի զանգվածային անջատումներ են առաջացրել

MagtiCom պրովայդերը կասկածելի է անվանել վթարը, որը հանգեցրել է անցած գիշեր Վրաստանում օգտատերերի ինտերնետի զանգվածային անջատմանը, հայտնում է «Նովոստի-Գրուզիան»։

Անջատումը սկսվել է երկուշաբթի երեկոյան ժամը 21-ի սահմաններում, և բջջային և ֆիքսված ինտերնետի շուրջ 2 միլիոն բաժանորդների համար ինտերնետի ծառայությունը վերականգնվել է միայն երեքշաբթի առավոտյան ժամը 2-ին:

Ընկերության հաշվետվության համաձայն, կապուղիների վնասումը տեղի է ունեցել գրեթե միաժամանակ Թուրքիայում և Վրաստանում՝ հիմնական և պահեստային կապուղիներում։

MagtiCom ինտերնետ կապը Վրաստանում ապահովվում է հատուկ կապուղիներով Եվրոպայից:

Թուրքիայում հունվարի 27-ին կապուղիում վնաս է հայտնաբերվել, վերանորոգման աշխատանքները բարդանում են ձյան տեղումների և ձնահյուսի վտանգի պատճառով, գործընկեր ընկերության տեխնիկական խմբերը թափանցում են խնդրահարույց տարածք՝ չնայած վատ եղանակին։

Նաև հունվարի 27-ին՝ ժամը 21:21-ին, արդեն Վրաստանում՝ Աջարիայի տարածքում, երեք տարբեր վայրերում միաժամանակ վնասվել է գլխավոր պահեստային կապուղին։ MagtiCom-ի տեխնիկական թիմն աշխատել է արտակարգ ռեժիմով, երեք անսարքությունները վերականգնվել են ժամը 01:54-ին և վերականգնվել է բաժանորդների ինտերնետ մատակարարումը։

MagtiCom-ը ուղղակիորեն չի գրում դիվերսիայի մասին, սակայն միջադեպն անվանում է «կասկածելի»։ Ներքին գործերի նախարարությունը, որին փոխանցվել են Վրաստանում տեղի ունեցած վթարի վերաբերյալ մատակարարի նյութերը, առայժմ որևէ մեկնաբանություն չի արել։

---

---