Ինչո՞ւ են մարդիկ իրականում ավելի հաճախ հիվանդանում ձմռանը

Տարածված սխալ պատկերացում կա, որ ֆիզիկական հիպոթերմիան անպայման կհանգեցնի մրսածության, քանի որ 

շնչառական վարակները վատթարանում են ձմռան ամիսներին: Թեեւ ավելի ցուրտ եղանակը կարող է իրականում մեզ ավելի զգայուն դարձնել վարակների 

նկատմամբ, ցուրտ պայմաններն ի սկզբանե հիվանդություն չեն առաջացնում, գրել է Live Science-ը:

Բայց կան նաեւ այլ պայմաններ, որոնք ակտիվանում են ցածր ջերմաստիճանի պատճառով, օրինակ՝ հիպոթերմիան,

 որն առաջանում է մարմնի ջերմաստիճանի վտանգավոր անկումից։ Որպես կանոն, մարմնի ջերմաստիճանը

 մնում է 37 աստիճան Ցելսիուսի սահմաններում՝ գումարած կամ հանած մեկ աստիճան։

 Հենց այս ջերմաստիճանն է աջակցում մարդու օրգանիզմի բոլոր նորմալ ֆիզիոլոգիական գործընթացներին, տեղեկացրել է «Ֆոկուսը»։ Եթե ​​մարդը ենթարկվում է ցրտի ազդեցությանը, օրգանիզմը կարող է ջերմություն չարտադրել նույնքան արագ, որքան կորցնում է, ինչը հանգեցնում է

 հիմնական ջերմաստիճանի կտրուկ անկման: Եթե ​​այն հասնում է Ցելսիուսի 35 աստիճանից ցածրի, կարող է առաջանալ հիպոթերմիա, որի ախտանշաններն են.

դող,

գունատություն,

մրսելու զգացողություն,

մաշկի չորություն,

անհասկանալի խոսք,

շնչառության դանդաղում։

Հետազոտողները նշել են, որ եթե հիպոթերմիան չբուժվի, կարող է հանգեցնել օրգանների աշխատանքի խանգարման, ի վերջո՝ մահվան:

Հյուսիսարեւմտյան համալսարանի բժշկության ասիստենտ, դոկտոր Ռեյչել Ամդուրի խոսքերով, 0 աստիճանից ցածր ջերմաստիճանի ազդեցությունը, հատկապես երկար ժամանակ, կարող է ցրտահարության պատճառ դառնալ: 

Ցրտահարությունը սովորաբար տեղի է ունենում վերջույթներում, առաջինն ախտահարվում են ձեռքի, ոտքի մատները, քիթը եւ ականջները:

Հետազոտողները նշել են, որ ծայրահեղ ցրտի պատճառով հյուսվածքներում ջուրը սառում է, ինչը սահմանափակում է արյան հոսքը 

եւ կարող է հանգեցնել հյուսվածքների մահվան: Արդյունքում՝ մարդու մաշկը կարող է մանուշակագույն կամ կապույտ դառնալ, իսկ ամենածանր դեպքերում կատարվում է հյուսվածքի վիրահատական​​հեռացում կամ անդամահատում։

Մեկ այլ պայման, որը կարող է առաջանալ ցուրտ եղանակի պատճառով, Ռեյնոյի համախտանիշն է, որն ազդում է արյան հոսքի վրա, ասել է բժիշկ Ամդուրը: 

Ռեյնոյի հիվանդությունը հանգեցնում է արյան անոթների նեղացման, հատկապես վերջույթների, ինչպիսին են ձեռքերի եւ ոտքերի մատները, 

ինչը նրանց սպիտակ կամ կապույտ գույն է հաղորդում: Այս վիճակն առաջանում է ցրտից, համախտանիշի հակում ունեցող մարդկանց մոտ:

Հետազոտողները նշել են, որ կան նաեւ այլ հիվանդություններ, որոնք կարող են առաջանալ ցուրտ եղանակի պատճառով, այդ թվում.

«ակոսային ոտնաթաթ»,

ցրտահարում,

ցան.

Ցուրտ եղանակը կարող է խորացնել նաեւ այլ հիվանդությունները, ինչպիսին են էկզեման եւ շնչառական հիվանդությունները, ասթման կամ թոքերի քրոնիկական օբստրուկտիվ հիվանդությունը։ Բացի այդ, ձմռանն ավելի հաճախ են տեղի ունենում սրտի նոպաները։

---

---