Ի՞նչ փոփոխություններ են սպասվում ուսուցիչներին

Վրաստանի կրթության համակարգում սպասվում են փոփոխություններ, որոնք վերաբերվում են տնօրեններն, ուսուցիչներին և ռեսուրս կենտրոնների աշխատողներին։ Այս մասին գրում է etaloni.ge-ին, հղում անելով կառավարության 2025 թվականի ծրագրին։

Հայտնի է Վրաստանի կառավարության 2025 թվականի գարնանային նստաշրջանի օրենսդրական գործունեության կարճաժամկետ ծրագիրը, որտեղ խոսվում է կրթության ոլորտում իրականացվելիք մի շարք փոփոխությունների մասին։

JNEWS-ը առանձնացրել է կարևոր փոփոխությունները, դրանք են՝

• Միջնակարգ մասնագիտական ​​կրթական ծրագրի հաղթահարման արդյունքում, որում ինտեգրված են հանրակրթության միջնակարգ մակարդակի արդյունքները, դիպլոմի հետ տրվում է ամբողջական հանրակրթությունը հավաստող փաստաթուղթ։
• Մասնագիտական ​​կրթական ծրագրում ընդունվելու պահից 3 ամսվա ընթացքում, եթե հանրակրթության համապատասխան մակարդակի հաղթահարումը հաստատվի կրթության կառավարման տեղեկատվական համակարգի բազայում, ապա անձն այլևս պարտավոր չի լինի համապատասխան ուսումնական հաստատություն ներկայացնել հիմնական հանրակրթությունը հաստատող փաստաթուղթ/ամբողջական հանրակրթությունը հաստատող փաստաթուղթ, դրան համապատասխանող փաստաթուղթ կամ կրթությունը հաստատող այլ փաստաթուղթ։
• Այն անձինք, ովքեր 2024-2025 ուսումնական տարում էքստերնատի ճանապարհով հաղթահարել են հանրակրթական հիմնական մակարդակի 9-րդ դասարանի ազգային ուսումնական պլանը և նրանց տարիքը համապատասխանում կամ գերազանցում է 2024-2025 թթ. ուսումնական տարում 10-րդ դասարանի սովորողների տարիքային կատեգորիան, ապա 2024-2025 ուսումնական տարվանից շարունակում են սովորել հանրակրթական միջնակարգ մակարդակի համապատասխան դասարանում։
• Տնօրենի/տնօրենի պաշտոնակատարի լիազորությունների վաղաժամկետ դադարեցումը կկատարվի կրթության կառավարման տեղեկատվական համակարգում ընտրված տնօրենի կամ նախարարի կողմից նշանակված տնօրենի/տնօրենի պաշտոնակատարի գրանցման պահից։
• Ուսուցչի վերապատրաստման ծրագրի ավարտի արդյունքում ձեռք բերված ուսուցիչների վերապատրաստման վկայականի համաձայն դասավանդելու իրավունք ունեցող անձինք հնարավորություն կունենան աշխատանքի ընդունել որպես ուսուցիչ։
• Մանկավարժական գործունեություն ծավալել կթույլատրվի նաև ռեսուրս կենտրոնի ղեկավարին/ղեկավարի ժամանակավոր պաշտոնակատարին և նրա տեղակալին, իրենց հսկողության տակ գտնվող հանրակրթական դպրոցներում՝ իրենց գործունեության տարածքում։ Նաև ռեսուրս կենտրոնի ղեկավարին, նրա պաշտոնակատարին և տեղակալին կտրվի նախարարության համակարգում համատեղելի վճարովի աշխատանք կատարելու իրավունք։

Բացի դրանից, օրենսդրությամբ սահմանված կանոնների և ժամկետների համաձայն` դպրոցը կրթության որակի զարգացման ազգային կենտրոն հավաստագրման հայտ ներկայացնելու դեպքում, մինչև համապատասխան որոշման կայացումը, կհամարվի լիազորված կամ կրթական ծրագրով հավաստագրված՝ անկախ լիազորման ժամկետից։

---

---