Ախալցխայի ատամնաբուժական կլինիկայում կին է մահացել
Այսօր՝ փետրվարի 12-ին, Ախալցխայի ատամնաբուժական կլինիկայում 60-ամյա կին է մահացել։ Միջադեպը տեղի է ունեցել առավոտյան ժամերին։
Ինչպես tv9news.ge-ին հայտնել է կլինիկայի ղեկավար Գիորգի Չիլինգարաշվիլին, կինը կլինիկայի հիվանդ է եղել, թեև, նրա խոսքով, կլինիկան մեղավոր չէ կատարվածի համար։
«Նա իմ հիվանդն էր, ատամներն էի բուժում, և ամեն ինչ նորմալ էր: Սկզբում նստած էր պատուհանի մոտ, ես հարցաթերթիկ էի պատրաստում և պետք է սկսեի համապատասխան պրոցեդուրաներ, նույնիսկ չդիպչեցի նրան: Հանկարծ վատացավ, օգնականներիս հետ առաջին օգնությունը ցույց տվեցինք, նույնիսկ շտապօգնություն կանչեցինք, ասում է Գիորգի Չիլինգարաշվիլին.
Շտապ բուժօգնության խմբի հետ միասին կլինիկայում մոբիլիզացվել են իրավապահները, հարցաքննվել են նաև աշխատակիցները։ Միջադեպի պատճառով օրվա ընթացքում կլինիկայի աշխատանքը ժամանակավորապես դադարեցվել է, թեև Գիորգի Չիլինգարաշվիլին ասում է, որ իրենք կշարունակեն հիվանդներին ընդունել մինչև օրվա վերջ։
Ներքին գործերի նախարարությունը դեպքի առթիվ հետաքննություն է սկսել։ Ինչպես մեզ փոխանցեցին գործակալությունից, հետաքննությունը շարունակվում է Քրեական օրենսգրքի 116-րդ հոդվածով, որն անզգուշությամբ մարդուն սպանելն է։
Opinion, pooling and voting
