Վարշավայում սպանվել է Վրաստանի քաղաքացի

Փետրվարի 21-ի լույս 22-ի գիշերը Վարշավայում Վրաստանի 31-ամյա քաղաքացի է սպանվել: Նա մահացել է հիվանդանոցում՝ Վարշավայի Սահմանադրության հրապարակում գտնվող ռեստորանի մոտ ծեծկռտուքի ժամանակ կրծքավանդակի շրջանում վիրավորվելուց հետո։ Բերման են ենթարկվել երեք վրացի: Հայտնի է, որ ծեծկռտուքը տեղի է ունեցել ութ հոգու միջեւ։

Լեհաստանի հատուկ ծառայությունները համակարգող նախարարի մամուլի քարտուղար Յացեկ Դոբժինսկին օրերս հայտնել է, որ ընդհանուր առմամբ 2024 թվականին ձերբակալվել է Վրաստանի 1895 քաղաքացի:

«2024 թվականի վերջի դրությամբ Լեհաստանի քրեակատարողական կենտրոններում պահվում է 322 վրացի։ Սահմանային ծառայության՝ նրանց վերադարձը պարտավորեցնելու որոշման հիման վրա անցած տարի Լեհաստանից վտարվել է Վրաստանի 2589 քաղաքացի»,- գրում է նա սոցցանցում։

Վարշավայի քաղաքապետ Ռաֆալ Տրզասկովսկին խոսել է Լեհաստանի մայրաքաղաքում վրացական հանցավոր խմբավորումների խնդիրների մասին։ Հայտնի է, որ ներկայումս օտարերկրացիները կազմում են Լեհաստանում հանցագործությունների կատարման մեջ կասկածվողների 5%-ը։

---

---