Փրկարարական աշխատանքներին ներգրավված է մինչև 600 հրշեջ և տասնյակ հատուկ տեխնիկա
Ներքին գործերի նախարարության բոլոր համապատասխան ստորաբաժանումներն արդեն երրորդ օրն է, ինչ աշխատում են արևմտյան Վրաստանում առատ ձյան պատճառով արտակարգ ռեժիմով, այս մասին հաղորդագրություն է տարածել Արտակարգ իրավիճակների կառավարման ծառայությունը։
Գործակալության տվյալներով՝ փրկարարական աշխատանքներին ներգրավված են մոտ 600 հրշեջներ եւ տասնյակ հատուկ տեխնիկա, այդ թվում՝ ձյուն մաքրող մեքենաներ։
«Հրշեջները մինչ այժմ օգնություն են ցուցաբերել տեղանքի դժվարին պայմաններում գտնվող տասնյակ մարդկանց և Աջարիայի և Գուրիայի տարբեր գյուղերից տարեցներին, երեխաներին և բժշկական օգնության կարիք ունեցողներին տեղափոխել են անվտանգ տարածք։ Անվտանգ տեղ են քաշվել նաև ձյան և մշուշի մեջ խրված մեքենաները, որոնք չեն կարողացել տեղաշարժվել առատ ձյան և եղանակի վատթարացման պատճառով։
Ներքին գործերի նախարարության աշխատակիցները «112» Հանրային անվտանգության կառավարման կենտրոնում ստացված ծանուցումներին արձագանքում են փուլային տարբերակով. Պարեկային և քրեական ոստիկանության աշխատակիցները տարբեր գերատեսչությունների համապատասխան ծառայությունների հետ միասին մոբիլիզացված են ինչպես կենտրոնական ավտոճանապարհներին, այնպես էլ ներքին պետական ճանապարհներին՝ ապահովելու տրանսպորտային միջոցների և ուղևորների անվտանգ և անխափան տեղաշարժը։
«ՆԳՆ բոլոր համապատասխան ստորաբաժանումները մյուս համապատասխան գերատեսչությունների հետ համատեղ շարունակում են աշխատել արտակարգ ռեժիմով»,- ասվում է Արտակարգ իրավիճակների կառավարման ծառայության հաղորդագրության մեջ։
Opinion, pooling and voting
