Ապրիլի 1-ից ծխախոտը կվաճառվի այլ տեսքով
«Ապրիլի 1-ից Վրաստանում ուժի մեջ կմտնի ևս մեկ կարևոր կանոնակարգ՝ որպես ծխախոտի դեմ պայքարի բարեփոխումների մաս՝ ծխախոտային արտադրանքի վաճառքը թույլատրվելու է միայն պարզ, ստանդարտացված փաթեթավորմամբ», – հայտնում է Ծխախոտի դեմ պայքարի դաշինքը։
Դաշինքի տեղեկատվության համաձայն՝ բոլոր ապրանքանիշերը օրենքով պարտավոր են օգտագործել միատեսակ, ստանդարտ գույնի փաթեթավորում, որը կցուցադրի միայն ապրանքանիշի անվանումը և ենթատեսակը, ինչպես նաև առողջության մասին նախազգուշացումներ և այլ անհրաժեշտ տեղեկատվություն:
«Պարզ փաթեթավորումն ուղղված է ծխախոտի արտադրանքի գրավչության նվազեցմանը, հատկապես դեռահասների և երիտասարդների համար: Ըստ հետազոտության, ստանդարտացված փաթեթավորումը նվազեցնում է ծխախոտ օգտագործելու հավանականությունը և նպաստում է ծխելուց հրաժարվելուն:
Ծխախոտի արտադրանքի ստանդարտացված փաթեթավորման ուժի մեջ մտնելը կարևոր քայլ է հանրային առողջության պաշտպանության ուղղությամբ։ Չնայած ձգձգումներին և արդյունաբերության դիմադրությանը, այս կանոնակարգի կիրառումը կօգնի նվազեցնել ծխախոտի սպառումը և բարելավել հանրային առողջությունը:
Նշվում է նաև, որ ծխախոտի դեմ պայքարի օրենքի կատարման մոնիթորինգի պետական ծրագրի շրջանակում արդեն փետրվարին որոշ արտադրողների կողմից արձանագրվել են սովորական փաթեթավորմամբ մանրածախ առևտրի ցանցեր սիգարետների մուտքի դեպքեր։ Ապրիլի 1-ից բոլոր խախտումների համար կձեռնարկվեն համապատասխան միջոցներ։ Տուգանքը այս դեպքում կազմում է 5000 լարի»,- ասվում է տեղեկատվության մեջ։
Նյութը՝ bizzone.info-ից
Opinion, pooling and voting
