Ռուսական T-Bank-ը դրամական փոխանցումներ է առաջարկում Վրաստան

Ռուսական T-Bank-ը (նախկին Tinkoff- խմբ.), որի նկատմամբ կիրառվել է պատժամիջոցներ 2023 թվականի հոկտեմբերին, հաճախորդներին առաջարկում է գումար փոխանցել Վրաստան։ Այս առաջարկը ռուսաստանցի մի շարք քարտատերեր ստացել են էլեկտրոնային փոստի միջոցով, որտեղ նշվել է, որ գործարքը կարող է իրականացվել Վրաստանի քարտի համարով, գրում է Paper Kartuli-ն։

Բանկի աջակցման թիմը պարզաբանել է, որ փոխանցում կարելի է կատարել վրացական ցանկացած բանկ, բայց միայն VISA քարտերով: Վրաստան փոխանցման արժույթը կարող է լինել ցանկացած՝ սկսած 50 ռուբլուց (1,65 լարի): Փոխանցման առավելագույն գումարը կազմում է 50000 (ավելի քան 1647 լարի): Փոխանցում կատարելու համար անհրաժեշտ է իմանալ քարտի համարը և ստացողի ազգանունը, անունը և հայրանունը:

Որոշ քաղաքացիներ գրում են, որ փոխանցման փոխարժեքը անբարենպաստ է, և կա նաև ռիսկ, որ «Ռուսաստանի Դաշնությունը գանձումներ կկատարի արտասահմանյան հաշիվների համար»։ Ռուսաստանի օրենսդրության համաձայն՝ քաղաքացիները պարտավոր են հարկային ծառայությանը ծանուցել արտասահմանյան հաշիվներ բացելու մասին և հայտնել դրանց միջոցով միջոցների շարժի մասին։

Մինչդեռ 2023 թվականի ապրիլին վրացական TBC բանկը նախազգուշացրել էր Ռուսաստանի դեմ պատժամիջոցների հետ կապված գործարքների պատճառով հաշիվները փակելու հնարավորության մասին։

Իսկ 2022 թվականի դեկտեմբերին Ռուսաստանի տասնյակ քաղաքացիներ «Վրաստանի» բանկից հաղորդագրություններ ստացան «բանկի ներքին քաղաքականության» պատճառով իրենց հաշիվների արգելափակման մասին։ Հաճախորդներին տրվել է 5 աշխատանքային օր գումարը հանելու համար: Արգելափակվել են նաև վրացիների և ուկրաինացիների հաշիվները, սակայն նման դեպքերն ավելի քիչ են եղել։

Նշենք, որ 2023 թվականի փետրվարին Tinkoff Bank-ն ընկել է ԵՄ պատժամիջոցների 10-րդ փաթեթի տակ։ Մեկ ամիս անց բանկը կասեցրել է արժութային փոխանցումները վրացական բանկերին։ 2024 թվականի փետրվարին հնարավոր է դարձել վրացական քարտերին գումար փոխանցել Sber-ի միջոցով, որը նույնպես պատժամիջոցների տակ է։

Հիշեցնենք, որ 2022 թվականին T-Bank-ը փոխեց սեփականատերերը. այն դադարեց լինել գործարար Օլեգ Տինկովի հետ կապված ապրանքանիշ (հայտարարված էր Ռուսաստանում օտարերկրյա գործակալ-խմբ.): Ընկերությունը ցանկանում էր «հեռանալ ընտանիքի նման զգացողությունից, որը ժամանակին գերժամանակակից էր և այն փոխարինել ավելի արդիական և ժամանակակից բանով»: sovanews.tv

---

---