«10 ամուսնությունից 6-ն ավարտվում է ամուսնալուծությամբ»

«2024 թվականին գրանցվել է 21,653 ամուսնություն և 13,520 ամուսնալուծություն»,– այս մասին իր սոցիալական էջում գրել է գործարար Գիորգի Չուգոշվիլին։

Նրա խոսքով՝ փաստորեն, յուրաքանչյուր 10 ամուսնությունից 6-ն ավարտվում է ամուսնալուծությամբ։

«Դեմոգրաֆիայի ոլորտում ուշագրավ դրություն է։ 2024 թվականին ծնվել է 39,483 երեխա, ինչը 1․8%-ով պակաս է 2023-ի համեմատ։ Սա ամենացածր ցուցանիշն է 1994 թվականից ի վեր․ վերջին 31 տարվա ընթացքում ամենացածրը, իսկ ավելի վաղ տվյալները պարզապես չկան։

Մահացել է 43,971 մարդ, ինչը 2․8%-ով ավելի է 2023-ի համեմատ։ Միայն այս երկու ցուցանիշով՝ 2024 թվականին 4,488-ով պակասել ենք։

2024 թվականին գրանցվել է 21,653 ամուսնություն և 13,520 ամուսնալուծություն, այսինքն՝ փաստորեն, յուրաքանչյուր 10 ամուսնությունից 6-ն ավարտվում է ամուսնալուծությամբ։ Չեմ էլ նշում, թե քանի մարդ է հեռացել երկրից, քանիսն արդեն պատրաստվում են, իսկ քանիսը մտածում են հեռանալու մասին։

Տնտեսական աճն էլ հիմնականում պայմանավորված է այն ոլորտներով, որտեղ ներգրավված են Ռուսաստան-Ուկրաինա պատերազմի հետևանքով ժամանած մարդիկ (տեղեկատվական տեխնոլոգիաներ, անշարժ գույք)»,- գրել է Գիորգի Չուգոշվիլին սոցիալական ցանցում։

---

---