Թբիլիսիի Դադիանի փողոցում գտնվող եռահարկ բնակելի շենքի երկրորդ հարկը փլուզվել է
Թբիլիսիի Դադիանի փողոցում գտնվող եռահարկ բնակելի շենքի երկրորդ հարկը փլուզվել է։
Արտակարգ իրավիճակների կառավարման ծառայության տվյալներով՝ դեպքի վայրից կոնտակտային վիճակում փրկվել է 2 մարդ։
Ինչպես նշում է շենքի բնակիչներից մեկը՝ Մադոննա Սանիկիձեն, շենքի առաջին հարկում գտնվող դեղատանը մի քանի օր է, ինչ վերանորոգման աշխատանքներ են սկսվել, և վթարի պատճառը կարող է լինել հենապատի փլուզումը։ Նրա խոսքով՝ քաղաքապետարանի ներկայացուցիչները խոսել են բնակիչների հետ և խոստացել նրանց բնակարանով ապահովել, մինչ տեղում աշխատանքները կշարունակվեն։
«Մի քանի օր առաջ դեղատունը սկսեց վերանորոգումները։ Պարզվում է՝ աշխատողը չգիտեր, որ հենապատը չպետք է քանդվի, և տան փլուզման պատճառ դարձավ։ Մենք՝ այստեղի բնակիչներս, արդեն փողոցում ենք։ Ինչպես ասացի, սա անտեղյակության պատճառով է։ Սա նախկինում տեղահանվածների համար նախատեսված շենք էր, կան մի քանի տարածքներ, փոքր, ոչ ստանդարտ տարածքներ, բայց այնտեղ մարդիկ են ապրում։ Դեղատան առջև ամեն ինչ փլուզվել է։ Քաղաքապետարանի կեսը այստեղ էր, և մենք խոսեցինք նրանց հետ։ Հիմա սպասում ենք նրանց արձագանքին», – ասել է Մադոննա Սանիկիձեն։ intrepressnews.ge
Opinion, pooling and voting
