Ամռան շոգին ալկոհոլի չարաշահումը կարող է մահացու վտանգ ներկայացնել

Ամռան շոգին ալկոհոլի չափից ավելի օգտագործումը կարող է մահացու լինել, զգուշացնում է ԱՄՆ Ալկոհոլի չարաշահման և ալկոհոլիզմի դեմ պայքարի ազգային ինստիտուտը։

«Մտածեք խմելուց առաջ։ Նավակ, մեքենա վարելիս, վայրի բնության գրկում զբոսնելիս, լողալիս կամ սերֆինգով զբաղվելիս ալկոհոլ պարունակող խմիչքներից հրաժարվելը կարող է օգնել ապահովել ձեր և ձեր մտերիմների անվտանգությունը», – զգուշացնում է ինստիտուտը։

Վտանգները սթափեցնող են. ԱՄՆ-ում ջրահեղձման դեպքերի 31%-ում խեղդվածի արյան մեջ ալկոհոլի մակարդակը կազմում է 0,10% կամ ավելի։

0,08% ալկոհոլի պարունակությամբ նավավարի մոտ, որը պաշտոնապես հարբած է համարվում բոլոր 50 նահանգներում, նավով դժբախտ պատահարի հետևանքով մահանալու հավանականությունը 14 անգամ ավելի մեծ է, քան սթափ մարդու մոտ։ ԱՄՆ ճանապարհներին տեղի ունեցող ճանապարհատրանսպորտային պատահարների մեկ երրորդը կապված է ոչ սթափ վիճակում մեքենա վարելու հետ։

Հանգիստը կապված է լրացուցիչ ռիսկերի հետ, ինչպիսիք են անծանոթ երթուղիները կամ նավակի կամ ավտոտնակի քարշակումը, էլ չենք խոսում մեքենայում գտնվող շարժուն երեխաների և ընտանի կենդանիների մասին։

Լողորդները, որոնց մտածողությունը խանգարված է ալկոհոլից, ամենից հաճախ են վտանգի ենթարկվում։ Նրանք պետք է զգուշանան խորը ջուր մտնելուց կամ այնտեղ երկար մնալուց, ինչից կարող են գերսառեցում ստանալ։

Ոչ սթափ սուզորդները կարող են դիպչել նավակողին կամ սուզվել այնտեղ, որտեղ շատ ծանծաղ է։

Շոգը և ալկոհոլը կարող են դժբախտության հանգեցնել։ Ամռան շոգ օրերը հանգեցնում են քրտինքի միջոցով հեղուկի կորստի և ավելի հաճախ միզելու անհրաժեշտության։ «Միասին դրանք կարող են արագ հանգեցնել ջրազրկման կամ ջերմային հարվածի», – զգուշացրել են ինստիտուտում։

---

---