Նինոծմինդայի և Ախալքալաքի մարզիկները հաջող մասնակցություն են ունեցել քիքբոքսինգի Աշխարհի գավաթին
Մոլդովայի մայրաքաղաք Քիշնևում օրերս անցկացվել է քիքբոքսինգի Աշխարհի գավաթի հերթական մրցաշարը, որին մասնակցել են նաև Նինոծմինդայի և Ախալքալաքի մունիցիպալիտետների մարզիկները։ Մրցաշարին երկու համայնքներից մասնակցել է ընդհանուր 11 մարզիկ։
Աշխարհի գավաթի մրցաշարում Նինոծմինդայի մունիցիպալիտետից առաջին տեղն են զբաղեցրել Մովսես Օգանեսյանը, Քաջավան Ծառուկյանը, Արարատ Աղջոյանը և Թաթուլ Կյուրեղյանը։
Հարկ է նշել, որ առաջին տեղը զբաղեցրած մարզիկները մասնակցել են 4-5 մենամարտի։
Պատվավոր երրորդ տեղը զբաղեցրել է Արտուշ Եզեկյանը։
Մասնակից Սարգիս Տոնականյանը ստացել է դրամական պարգև։
«Տղաները հաճույքով են մարզվում։ Երկու շրջանների տղաներն են։ Հույս ունենք, որ հետագայում ավելի լավ արդյունքներ կունենան և ավելի շատ կմասնակցեն խոշոր մրցաշարերի»,- NOR-ի հետ զրույցում նշում է մարզիչ Սերգեյ Տոնականյանը։
Մարզիչի խոսքով՝ առաջիկայում նախատեսում են մասնակցել նաև Պորտուգալիայում կայանալիք մրցաշարին։
Տեսանյութ՝
Opinion, pooling and voting
