Հանդիպում Նինոծմինդա քաղաքի Հանրային առողջապահական կենտրոնում
Օգոստոսի 15-ին Նինոծմինդա քաղաքի Հանրային առողջապահության կենտրոնում կայացավ հանդիպում կենտրոնի աշխատակիցների և մունցիպալիտետի բժիշկների միջև:
Հանդիպման թեման աղիքային հիվանդություններն են, որոնք վերջերս մեծ տարածում են ստացել Հեշտիա գյուղում։
Ինչպես իր խոսքում նշեց Հանրային առողջապահական կենտրոնի ղեկավար Տիգրան Եղոյանը, օգոստոսի 9-ին Նինոծմինդայի շրջանային հիվանդանոց է դիմել 4-ամյա մի երեխա Հեշտիա գյուղից։ Քիչ անց Տիգրան Եղոյանին է զանգահարել Նինոծմինդայի մունիցիպալիտետի սակրեբուլոյի նախագահ Սմբատ Կյուրեղյանը և նշել, որ Առողջապահության նախարարությունը հաղորդում է աղիքային վարակների մասին։
Անմիջապես կազմվել է փորձագիտական խումբ՝ սակրեբուլոյի նախագահ Սմբատ Կյուրեղյանի, փոխքաղաքապետ Արտավազդ Տոնոյանի և Հանրային առողջապահական կենտրոնի ղեկավար Տիգրան Եղոյանի և Հեշտիայի գյուղական համայնքի սակրեբուլոյի պատգամավոր Վահան Արոյանի և Հեշտիա գյուղի բուժաշխատողների գլխավորությամբ։ Նշված անձինք քայլելով գյուղամիջով աղիքային վարակների մասին տեղեկություններ են հավաքել։
Նշված խումբը գյուղում աշխատել է 5 օր շարունակ։
Բնակիչների մի մասն էլ կարծում է, թե աղիքային վարակների պատճառը անորակ խմելու ջուրն է։ Պարենային սննդամթերքի պաշտպանության հարցերով գործակալությունը Թբիլիսի լաբորատորր ստուգման է ուղարկել որոշ սննդամթերքների նմուշներ։ Մեզ տեղեկացրին, որ լաբորատոր ստուգման արդյունքները պատրաստ կլինեն շաբաթվա վերջին։
Տիգրան Եղոյանի խոսքով՝ վերջին 4 օրերի ընթացքում աղիքային վարակվածության դեպքերի շուրջ ահազանգ չի ստացվել։
Մանրամասների մասին զրուցեցինք Նինոծմինդա քաղաքի Հանրային առողջապահական կենտրոնի ղեկավար Տիգրան Եղոյանի հետ․
Անահիտ Զալալյան
Opinion, pooling and voting
