Մունիցիպալիտետի մի քանի դպրոցներ ախտահանվեցին
Նինոծմինդայի Մունիցիպալիտետի մի քանի դպրոցներում ախտահանման աշխատանքները ավարտված են:
Վերջին ամիսներին Վրաստանում H1N1 վիրուսից, ավելի հայտնի խոզի գրիպ կոչվող վիրուսից մահացել է 18 մարդ: Գրիպի տարածման կանխարգելման նպատակով, դպրոցներում եւ մանկապարտեզներում ուսումնական գործընթացը հետաձգվեց մեկ շաբաթով:
Տիգրան Պողոսյանի խոսքերով մինչեւ ուսումնական գործընթացի սկիզբը, թիվ 1 դպրոցի աշխատակիցները, սեփական միջոցներով, հատուկ ախտահանման աշխատանքներ կատարեցին դասասենյակներում, միջանցքներում եւ համապատասխան լուծույթով ախտահանեցին, սեղանները, աթոռները եւ դպրոցական մնացած գույքը:
«Հունվարի 21-ին Վրաստանում վերսկսվեց կրթական գործընթացը: Համապատասխանաբար, վիրուսների տարածման կանխարգելման նպատակով Վրաստանի կրթության, գիտության, մշակույթի եւ սպորտի նախարարությունը խորհուրդ տվեց, որ ուսումնական հաստատությունները ախտահանման աշխատանքներ կատարեն շենքերում, մինչեւ ուսումնական գործընթացի սկիզբը:
Նշենք, որ մեր տվյալների համաձայն, Նինոծմինդայի մունիցիպալիտետի ոչ՛ բոլոր դպրոցներն են իրականացրել համապատասխան ախտահանման աշխատանքներ:
Միեւնույն ժամանակ, կրթական գործընթացը վերսկսելուց հետո, Կրթության նախարարությունը խորհուրդ է տալիս համակարգված կերպով պահպանել ամբողջական մաքրությունը, դասասենյակների եւ միջանցքների թաց մաքրումը, ինչպես նաեւ դպրոցական սեղանների, աթոռների, եւ դպրոցական գույքի մաքրումը համապատասխան լուծույթներով: Դպրոցները պետք է ապահովեն դպրոցի բժիշկների մասնակցությունը կանխարգելիչ միջոցառումների իրականացմանը եւ հետեւեն հիվանդության խուսափման հետ կապված բոլոր առաջարկություններին:
Մանրամասների մասին լսեք՝ Նինոծմինդա քաղաքի, թիվ 1 դպրոցի տնօրեն Տիգրան Պողոսյանի հետ անցկացրած հարցազրույցը:
Opinion, pooling and voting
