Վրաստանում կորոնավիրուսից մահացել է 19-րդ պացիենտը

Վրաստանում կորոնավիրուսից մահացել է ևս մեկ մարդ: Տեղեկությունը քիչ առաջ թարմացվել է հիվանդությունների վերահսկման ազգային կենտրոնի կայքում:

Կայքի տվյալներով, այս պահի դրությամբ Վրաստանում «կովիդ 19»-ից մահացել է 19 մարդ:

Բացի այդ, Վրաստանում արձանագրվել է կորոնավիրուսով վարակման 8 նոր դեպք և վարակման դեպքերի քանակը հասել է 1429-ի:

Ինչ վերաբերում է ապաքինվածներին, ապա վերջին 24 ժամում բուժվել է 13 պացիենտ: Ընդհանուր առմամբ Վրաստանում վարակի պարտության է մատնել 1150 մարդ:

---

---