Վրաստանում դիմակ չկրելու տուգանքը կրկնապատկվեց

Վրաստանի խորհրդարանը 3-րդ ընթերցմամբ ընդունել է վարչական իրավախախտումների օրենսգրքի փոփոխությունների օրինագիծը, որով խստացվում է հանրային վայրերում դիմակ կրելու պահանջն անտեսելու պատիժն ու կրկնապատկվում է երկրորդ անգամ խախտման տուգանքը:

Վրաստանում դիմակ կրելը պարտադիր է ինչպես փակ, այնպես էլ բաց տարածքներում, հանրային  տրանսպորտում, տաքսի մեքենաներում:

Մինչ այժմ օրենքը 20 լարի (մոտ 6 դոլար) տուգանք էր սահմանում առանց դիմակ հանրային վայրում հայտնվելու համար: Նոր փոփոխություններով` 2-րդ և ավելի խախտման դեպքում քաղաքացին կվճարի 40 լարի:

Կարգավորումներով նաև նախատեսվում է պատժի խստացում` այն կազմակերպությունների նկատմամբ, որտեղ կկրկնվի առանց դիմակի քաղաքացիների մուտքը. սեփականատերը կտուգանվի  1 000 լարիով (ավելի քան 303 դոլար):aliq.ge

---

---