Երկրաշարժ Վրաստանում. Ցնցումները զգացվել են նաեւ Հայաստանում

Սեյսմիկ մոնիտորինգի ազգային կենտրոնը հայտնում է, որ գիշերը Վրաստանում գրանցված ցնցումը ուժգնությամբ համարվում է միջին դասի երկրաշարժ:

Վրաստանում 4,9 բալ ուժգնությամբ երկրաշարժը տեղի է ունեցել Մցխեթա-Մթիանեթիի շրջանում:

Երկրաշարժը զգացվել է ՀՀ-ում՝ 2-3 բալ ուժգնությամբ:

Երկրաշարժի էպիկենտրոնին հարակից բնակավայրեր չկան, և դա դժվար թե կարող էր ավերածություն առաջացնել, ընդգծում են փորձագետները:

«Ստորգետնյա ցնցումները գրանցվել են Կազբեգի գյուղից 31 կմ հարավ-արևելք: Երկրաշարժի ուժգնությունը 4,9 բալ էր: Սա պատկանում է երկրաշարժերի միջին դասին: Այն բավականին լավ է զգացվել էպիկենտրոնին մոտ, սակայն այն ուժգնությամբ այնպիսին չէր, որ կարող էր ավերածություն կամ նման այլ բան առաջացնել:

Հնարավոր է, որ այս երկրաշարժին հաջորդեն ավելի թույլ ցնցումներ, բայց դրանք վտանգավոր չեն: Երկրաշարժը զգացվել է նաև Թբիլիսիում: Այնուամենայնիվ, բացառվում է, որ ինչ-որ ավերածություններ տեղի ունենան մայրաքաղաքում », – ասել է սեյսմոլոգ Մանանա Ձմանաշվիլին Հանրային հեռուստաընկերությանը տված հարցազրույցում:

---

---