Կեղծ Քովիդ քարտերի պատրաստման համար ձերբակալվել է 7 մարդ

Վրաստանի պետական ​​անվտանգության ծառայության հակակոռուպցիոն գործակալության աշխատակիցները օպերատիվ-հետախուզական գործողությունների արդյունքում կեղծ փաստաթուղթ պատրաստելու և իրացնելու փաստով ձերբակալել են 7 մարդու:

ՊԱԾ-ի հաղորդմամբ, հետաքննությունը պարզել է, որ մեղադրյալներից չորսը 350 եվրոյի դիմաց պատրաստել և Վրաստանի քաղաքացուն են հանձնել «կովիդ 19»-ի դեմ «Փայզեր» պատվաստանյութով պատվաստվելու կեղծ փաստաթուղթը, իսկ նրանցից երեքը ստացել են 400 լարի և պատրաստել ու Վրաստանի քաղաքացուն են հանձնել կեղծ փաստաթուղթ, որը հաստատում է «Սինոֆարմ»-ի պատվաստումը:

Հետաքննությունն ընթանում է Վրաստանի քրեական օրենսգրքի 362-րդ հոդվածի առաջին մասով:

Հետաքննությունը վարում է Պետական ​​անվտանգության ծառայության հակակոռուպցիոն գործակալությունը:tv9news.ge

• ՊՇՌ թեստավորման և Քովիդ քարտերի կեղծման ընդամենը մի քանի դեպք կա. Տիկարաձե
• Արդարադատության տները սկսում են Քովիդ քարտերի բաշխումը

---

---