Թբիլիսիի բնակչությանը կսպասարկեն լրացուցիչ նոր միկրոավտոբուսներ

Թբիլիսիի բնակչությանը կսպասարկեն լրացուցիչ նոր միկրոավտոբուսներ

Մայրաքաղաք է ժամանել ISUZU մակնիշի 8 մետրանոց ավտոբուսների և Ford մակնիշի միկրոավտոբուսների առաջին հոսքը, որն այսօր, մայրաքաղաքի քաղաքապետ, Կախա Կալաձեն ներկայացրել է Թբիլիսիի բնակչությանը:

Քաղաքապետարանի հայտարարությամբ, մունիցիպալ ավտոպարկի նորացման ծրագրի շրջանակում ձեռք է բերվել 180 միավոր 8 մետրանոց ավտոբուս և 300 միկրոավտոբուս:

Նրանց խոսքով, ավտոբուսները դիզելային շարժիչով աշխատող Euro 6 արտանետումների չափանիշով են: Այն նախատեսված է 53 ուղևորների համար, որտեղ կա 21 նստատեղ: Ավտոբուսը լիովին հարմարեցված է հաշմանդամություն ունեցող անձանց համար. Ներսում կա հատուկ տարածք, և այն ունի շարժական թեքահարթակ, որը հնարավորություն է տալիս սայլակով մուտք գործել ավտոբուս: Ավտոբուսն ունի wifi մոդեմ, որն ապահովում է ամբողջ ավտոբուսի ծածկույթը wifi ազդանշանով, ինչպես նաև ժամանակակից չափանիշով, ջեռուցման, օդորակման և օդափոխման ինտեգրված համակարգեր, ունի հակավանդալային տեսադիտարկում, տեղեկատվական հաղորդագրությունների համակարգեր և USB լիցքավորիչներ:

Ավտոբուսների նախագծի ընդհանուր արժեքը 21 289 768 եվրո է:

Սեպտեմբերի 23-ից նոր ավտոբուսների առաջին խմբաքանակը կփոխարինի №67 և №101 գծերի ավտոբուսներին, իսկ №7, №42 և №60 գծերում դրանց թիվը կավելանա, իսկ սպասման ռեժիմը կկրճատվի մինչև 15 րոպե:

Մնացած ավտոբուսները կբերվեն փուլերով և կբաշխվեն տարբեր երթուղիներում: 2022 թվականին Թբիլիսիի քաղաքապետարանը նախատեսում է ներդնել լրացուցիչ 200 միավոր 18 մետրանոց ավտոբուսներ, որոնք կապահովեն տարանցիկ միջանցքների ակտիվացումը նոր տրանսպորտային սխեմայով: 1tv.ge

Opinion, pooling and voting