Մինչև 12 տարեկան երեխաներին պատվաստանյութի այլ դեղաչափ է անհրաժեշտ․ Գաբունիա
Առողջապահության փոխնախարար Թամար Գաբունիան այսօր անդրադարձել է անչափահասների պատվաստմանը՝ նշելով, որ մինչև 12 տարեկան երեխաներին անհրաժեշտ է պատվաստել այլ չափաբաժնով։ Հաղորդում է Aliq Media-ն։
«Առողջապահության համաշխարհային կազմակերպությունը նախատեսում է մինչև հուլիս պատվաստել ընդհանուր բնակչության 70%-ին: Ըստ այդմ, մենք ևս պիտի հետևենք օրինակին, և մեր առաջիկա պլանների մեջ է մտնում շարունակել պատվաստումները խթանիչ դեղաչափով, և պատվաստել մինչև 12 տարեկան երեխաներին այլ դեղաչափով։ Այդ հարցով մենք նախնական բանակցություններ ունենք արտադրողների հետ»,- նշել է փոխնախարարը։
Գաբունիան հավելել է, որ պատվաստումը խրախուսող ծրագրերը կշարունակվեն գործել թիրախային խմբում գտնվող բարձր տարիքի քաղաքացիների համար։
Opinion, pooling and voting
