ԱՄՆ-ը տնտեսական պատերազմ է մղում Ռուսաստանի դեմ․ Պեսկով
ԱՄՆ-ը դե ֆակտո տնտեսական պատերազմ է հայտարարել և վարում Ռուսաստանի դեմ, հայտարարել է ՌԴ նախագահի մամուլի խոսնակ Դմիտրի Պեսկովը։
«ԱՄՆ-ն, իհարկե, տնտեսական պատերազմ է հայտարարել Ռուսաստանին, նա այդ պատերազմն է վարում, դե ֆակտո, այդպես է»,- լրագրողներին ասել է Պեսկովը։
Արևմտյան երկրները նոր հակառուսական պատժամիջոցներ են սահմանել՝ կապված Ուկրաինայում ստեղծված իրավիճակի հետ։ Մասնավորապես, դրանց ենթակայության տակ են հայտնվել Ռուսաստանի Դաշնության մի քանի խոշոր բանկերը, այդ թվում՝ «Սբերբանկը» և ՎՏԲ-ն։ Եվրամիությունը, ԱՄՆ-ը, Կանադան և մի շարք այլ երկրներ փակել են երկինքը ռուսական ինքնաթիռների համար։ Պետական մի շարք ընկերություններ դժվարացել են օտարերկրյա կապիտալ ներգրավել։ Պատժամիջոցներ են կիրառվել Ռուսաստանի նկատմամբ՝ բարձր տեխնոլոգիական արտադրանքի մատակարարման առումով։
Մարտի 8-ին ԱՄՆ-ն արգելք է դրել ռուսական նավթի, մի շարք նավթամթերքների, հեղուկ բնական գազի և ածխի ներկրման վրա։
Ինչպես ասել է ՌԴ նախագահի մամուլի քարտուղար Դմիտրի Պեսկովը, արևմտյան պատժամիջոցները շատ լուրջ են, սակայն Ռուսաստանը դրանց նախապես էր պատրաստվում։ Արևմտյան ընկերությունները, որոնք հրաժարվում են աշխատել Ռուսաստանի հետ, դա անում են հսկայական ճնշման տակ, բայց Ռուսաստանը կլուծի տնտեսության հետ կապված բոլոր խնդիրները, որոնք Արևմուտքը ստեղծում է իր համար, ավելի վաղ հայտարարել էր Ռուսաստանի արտգործնախարար Սերգեյ Լավրովը։ shantnews.am
Opinion, pooling and voting
