Ի՞նչ հիվանդությունների են բախվում գիշերն աշխատող մարդիկ

Մարդիկ, որոնք աշխատում են գիշերը, ստիպված են գիշերային ժամերին ուտել՝ այդպիսով բախվելով մի շարք առողջական խնդիրների։ Այս մասին ասվում է Harvard Health Publishing-ում հրապարակված հոդվածում։

Անդրադառնալով նախորդ հետազոտություններին՝ փորձագետները պնդում են, որ գիշերը աշխատողները շաքարախտի, սրտի հիվանդությունների եւ գիրության զարգացման վտանգի տակ են:

Հետազոտությունը ցույց է տվել, որ այն մարդկանց մոտ, որոնք աշխատել են գիշերային հերթափոխով 14 օր, ինչպես նաեւ գիշերը քիչ քանակությամբ սնվել, արյան մեջ շաքարի մակարդակի բարձրացում  է տեղի ունեցել։

Փորձի ընթացքում մասնակիցների մի մասը սննդի մի մասը կերել է ցերեկը, մյուս մասը՝ գիշերը,։

Մյուս խումբը օրվա ընթացքում կերել է ամբողջ սնունդը։ Գիտնականները պարզել են, որ այն մարդկանց մոտ, որոնք գիշերը ուտում են, արյան մեջ շաքարի մակարդակը միջինում բարձր է 6,4 տոկոսով՝ համեմատած սկզբնական ցուցանիշի հետ: Նրանց մոտ, որոքն սնվել են միայն օրվա ընթացքում, արյան մեջ շաքարի զգալի աճ չի նկատվել։

Գիտնականների խոսքով՝ սնունդ ընդունելու ժամերի փոփոխությունը կարող է պոտենցիալ օգնել գիշերային հերթափոխի աշխատողներին՝  խուսափել ուշ ժամերին աշխատելու հետ կապված առողջական ռիսկերից։

---

---