Անորեքսիայով տառապող Սաակաշվիլին օգնություն է խնդրում բժիշկներից
Վրաստանի երրորդ նախագահ, այժմ անազատության մեջ գտնվող Միխեիլ Սաակաշվիլին դիմել է առողջապահության նախկին նախարար (2019 թվականին) Դավիթ Սերգեենկոյին, և Վրաստանի իշխող «Վրացական երազանք» կուսակցության անդամ Դիմիտրի Խունդաձեին, ինչպես նաև «Հիպոկրատի երդում տված պատգամավորներից՝ անկախ կուսակցական պատկանելիությունից»՝ այցելել իրեն ոչ թե որպես քաղաքական գործիչ, այլ որպես հիվանդ և համապատասխան եզրակացություն անել։
«Ձեզ կընդունեն ու կդիմավորեն որպես բժիշկներ և ոչ թե քաղաքական գործիչներ, իմ հակառակորդներ կամ համախոհներ։ Ես չեմ պատրաստվում քաղաքական քննարկումներ ունենալ։ Կխոսենք միայն իմ առողջական վիճակի, հետազոտելու և օբյեկտիվ եզրակացություն ստանալու հնարավորության մասին»,- ասել է Սաակաշվիլին։
Նշենք, որ Վրաստանի հանրային պաշտպանի կողմից ստեղծված բժիշկ-փորձագետների խմբի եզրակացության համաձայն՝ Միխեիլ Սաակաշվիլիի մոտ հետտրավմատիկ սթրեսային խանգարման հետևանքով առաջացել է անորեքսիա ու սպիտակուցային սով, և այս փուլում խորհուրդ է տրվում ժամանակին նյարդահոգեբանական և ֆիզիկական վերականգնում։
Իշխող «Վրացական երազանք» կուսակցության նախագահ Իրակլի Կոբախիձեն էլ կասկածի տակ է դրել այս եզրակացությունը և ասել, որ Սաակաշվիլին բավականաչափ սպիտակուց է ստանում։
Opinion, pooling and voting
